1536608831whatsapp-image-2018-09-10-at-23.45.56

جه‌عفه‌ری هێرشه‌که‌ی سه‌ر کۆنسوڵخانه‌ی ئێران به‌ هێرش بۆ سه‌ر عێراق ناو ده‌بات

ئیبراهیم جه‌عفه‌ری وه‌زیری ده‌ره‌وه‌ی عێراق  وتی: نابێت پیلانی ژماره‌یه‌کی زۆر که‌م له‌ به‌کرێگیراوان بۆ هێرشی سه‌ر کۆنسووڵخانه‌ی کۆماری ئیسلامی ئێران له‌ به‌سره‌ به‌ حسێبی گه‌ل و حکومه‌تی عێراق و ته‌نانه‌ت ئه‌و که‌سانه‌ی دابنرێت که‌ له‌ دژی که‌مبوونی خزمه‌تگوزارییه‌کان خۆپێشاندان ده‌که‌ن، هێرشبه‌ره‌کان ژماره‌یه‌ک به‌کرێگیراو بوون که‌ هه‌وڵی تێکدانی په‌یوه‌ندییه‌کانی نێوان ئێران و عێراقیان ده‌دا.
وه‌زیری ده‌ره‌وه‌ی عێراق جه‌ختی کرده‌وه‌ که‌ په‌یوه‌ندییه‌کانی نێوان ئێران و عێراق له‌ ڕاستییه‌کانی مێژوو و جوغرافیایه‌کی هاوبه‌ش سه‌رچاوه‌ی گرتووه‌ و له‌ نێوان ئه‌م دوو وڵاته‌دا 1200 کیلۆمه‌تر سنوری هاوبه‌ش و به‌رژه‌وه‌ندی و ڕێزی به‌رامبه‌ر بوونی هه‌یه‌.
جه‌عفه‌ری وتی: زیاره‌تکارانی ئێرانی سه‌ردانی مه‌زارگه‌ پیرۆزه‌کان له‌ عێراق ده‌که‌ن و به‌ هه‌مان شێوه‌ عێراقییه‌کانیش سه‌ردانی شوێنه‌ پیرۆزه‌کانی ئێران ده‌که‌ن و ئه‌مه‌ش په‌یوه‌ندییه‌کانی نێوان هه‌ر دوو گه‌لی ئێران و عێراقی به‌هێز کردووه‌.
وتیشی: ئه‌و که‌سانه‌ی که‌ هێرشیان کردووه‌ته‌ سه‌ر کۆنسووڵخانه‌که‌ی کۆماری ئیسلامی ئێران له‌ شاری به‌سره‌، نوێنه‌رایه‌تی عێراقییه‌کان ناکه‌ن، به‌ڵکوو به‌کرێگیراون و به‌ زووترین کات ڕووبه‌ڕووی یاسا ده‌بنه‌وه‌ و ئه‌وه‌ش ڕوون ده‌بێته‌وه‌ که‌ ئه‌وان پیلانی تێکدانی په‌یوه‌ندییه‌کانی نێوان تاران و به‌غدایان جێبه‌جێ کردووه‌.

بابەتی دواتر

FB_IMG_1552290786598

كۆنفڕانسی حەوتەمی بزووتنەوەی ئیسلامی بەڕێوەدەچێت.

كۆنفڕانس دوای خوێندنی چەند ئایەتێك لە قورئانی پیرۆز و مارشی بزووتنەوەی ئیسلامی دەستی بەكارەكانی كرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *