thumbs_b_c_6788dde1fc9509beebfffd8669ff5c54

لە پارێزگای كەركوك و دیالە تەقینەوەو هێرشی چەكداری روویدا

دوو سەرچاوەی ئەمنی رایانگەیاند کە لە ئاکامی ھێرشێکی داعش لە سنووری پارێزگای کەرکووک و تەقینەوەی بۆمبێکی چێنراو لە پارێزگای دیالە، سێ کەس کوژران و شەشی دیکەش برینداربوون کە لەنێویاندا، چەکدارانی حەشدی شەعبی ھەن.

نەقیب حامد عوبێدی ئەفسەر لە پۆلیسی کەرکووک وتی: “ژمارەیەک تیرۆریستی داعش ھێرشیانکردووەتە سەر گوندی غەریب سەربە ناحیەی عەباسی لە قەزای حەویجە باشووری رۆژئاوای پارێزگای کەرکووک”.

بەگوتەی حامد عوبێدی لە ئاکامی ھێرشەکەدا، پۆلیسێک و مەدەنییەک کوژران و مەدەنییەکی دیکەش بریندار بووە.

لە پارێزگای دیالەش ئەفسەری پۆلیس، حەبیب شممەری بە ئاژانسی ئانادۆڵوی راگەیاند کە بۆمبێکی چێنراو لە ناوچەی زوور باکووری رۆژھەڵاتی دیالە بە کاروانێکی حەشدی شەعبیدا تەقیوەتەوە.

حەبیب شممەری ئاماژەی بەوەشدا کە لە ئاکامی تەقینەوەکەدا، چەکدارێکی حەشدی شەعبی کوژراوە و پێنجی دیکەش برینداربوون.

بابەتی دواتر

03a86a846b8aeaffafbf7f91ba175bad_L

لەسەر فرۆشتنی گۆشتی گوێدرێژ لەسلێمانی ڕونكردنەوە دەدرێت

سەرۆكی لیژنە هاوبەشەكانی قائیمقامیەت رەدی دەكاتەوە لە شاری سلێمانی گۆشتی گوێدرێژ فرۆشرابێت و رایدەگەیەنێت: دەزگایەكی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *