40139224_1839733739439055_7542114686632722432_n

گەر بەتەنهاشبم من لە ڕیزی پێشەوەم

ڕێگاى بەرەو ئیسڵاح بەرنادەم
شۆڕش کەمال
گەر بڕیاربێ هەموکەس لەژێر ئاڵایەک حەشربکرێ خۆشبەختانە ئێمە ئاڵادارین..گەر بڕیاربێ هەموو حیزبێک دڵی بە کۆمەڵەکەى خۆی خۆشبێ خۆئێمە ئیماندارین.. گەر بڕیاربێ دەستەیەک جەمبێ بۆ چاکسازى لەنێو ئەم هەموو گەندەڵستانەو بەگژ قارونەکانى سەرمایەو ئابورى و پارە بلۆککراوەکان بچێتەوە خۆ ئێمە مەزڵومترین و پاکترینین.. گەر قەدەرى خودا وابێ موساو هارونێک بەردەرگای فیرعەونەکان بگرن و دژ بە ستەمى هامانەکان بوەستنەوە بۆ ئیسڵاح خۆ ئێمە لەپێشترینین.
گەر بەتەنهاشبم من لە ڕیزی پێشەوەم ، گەر ئەوڕۆژە تا ئێوارەش پاڵمپێوەنێن بۆ پەنجەخستنەنێو مرەکەب و شایەتیەکى حەق کۆڵنادەم، گەر دەنگەکەشم لە کۆگاکان سوتێنراون و خوراون یان دزراون و بەرەو هەرچارەنوسێکی نادیاربرابراون دیسان سورتردەبم .
کۆڵنادەم.. تا لاپەڕیەکى زیاتر لە لە ئەرشیفی ڕەشی فاسقەکان بخەمەپێشچاوی نەوەکانی داهاتوم.
کۆڵنادەم.. تا بەدەنگێکى زوڵاڵو دلێر پێیان نەڵێم و بۆیان نەسەلمێنم، ئامانجى من نەپشکى پارەی زۆنگ بەزۆنگە.. نە میراتى بیرەنەوتە.. نە ئەجندای ئیقلیمی لە قوتونراوە.. نەدەستەڵاتێکی زۆرەملێ و داسەپاوە.
کۆڵنادەم .. ئامانج لای من ئیسڵاحە لەپێناو دەنگ و موچەى دزراو، لەپێناو گەڕاندنەوەى ئەخلاق بۆ سیاسەتى دۆڕاو، لەپێناو پاروەنانى فڕێنراوى هەژاران، لەپێناو هەڵماڵینى ڕوی ڕاستەقینەى گەندەڵکاران.
کۆڵنادەم.. لەپێناو بەدیهێنانى دادپەروەرى، هەرگیز ڕێگەی ئیسڵاح بەرنادەم هەزار جاری تریش فێڵملێبکرێ و دەنگم بخورێ و تەزویرملێبکرێ دیسان هەر ملنادەم، بێزاریشنابم، بۆشیان چۆڵناکەم، ڕێگەى بەرەو ئیسڵاح بەرنادەم..هەرگیز، ئامین بە دوعاى ئەوانا ناکەم، ڕێگەى بەرەو ئیسڵاح بەرنادەم.

بابەتی دواتر

29216823_1919107028130852_6277528803319642233_n

له‌ سۆشیال میدیایه‌كى درۆینه‌وه‌، به‌ره‌و كۆمه‌ڵگه‌یه‌كى دواكه‌وتوی سێكسخوازی…

له‌سه‌ره‌تاى دروست بونى ژیانه‌وه‌ تاوه‌كو ئه‌مرۆ، زۆرینه‌ى مرۆڤه‌كان دوو رووى تایبه‌تیان هه‌بوه‌،به‌ڵام له‌گه‌ڵ په‌ره‌سه‌ندنى تۆڕه‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *