2282017192211parwarde-G

ڕۆژانی پێنجشه‌ممه‌ كرایه‌ پشوو بۆ ئه‌م قوتابیانه

یەکێتی مامۆستایان ڕایگەیاند لەو خوێندنگایانەی دەوامیان ئێوارانە هەموو پێنجشەممەیەک دەکرێتە پشووی فەرمی.

مامۆستا عه‌بدولواحید محه‌مه‌د سه‌رۆكی‌ یه‌كێتیی‌ مامۆستایان ڕایگه‌یاندووە “له‌ساڵی ڕابردودا به‌هۆی دیاریكردنی‌ پشوو له‌ڕۆژانی‌ شه‌ممه‌ بۆ سه‌رجه‌م ناوه‌نده‌كانی‌ خوێندن، بۆیه‌ بڕیاردرا ئه‌و خوێندنگه‌یانه‌ی‌ ده‌وامیان ئێوارانه‌ ڕۆژانی‌ پێنج شه‌ممه‌ پشوه‌كه‌یان لاببرێت”.

دەشلێت “به‌ڵام له‌مساڵدا به‌بڕیاری وه‌زاره‌تی‌ په‌روه‌رده‌ پشوی ڕۆژانی‌ شه‌ممه‌ لابراوه‌، هه‌ربۆیه‌ ئه‌و خوێندنگه‌یانه‌ی‌ ده‌وامیان ئێوارانه‌، به‌هه‌مان میكانیزمی ساڵانی‌ پێشتر ده‌وامی ئاسایی خۆیان ده‌كه‌ن و هاوشێوه‌ی‌ خوێندنگه‌كانی‌ دیكه‌ ڕۆژانی‌ شه‌ممه‌ ده‌وامی ڕه‌سمی ده‌بێت، به‌ڵام ڕۆژانی‌ پێنجشه‌ممه‌ بۆ ساڵی‌ خوێندنی‌ 2018-2019 له‌خوێندنگه‌ ئێوارانه‌كان ده‌بێته‌ پشوو و ده‌وام ناكه‌ن”.

ڕاشیگەیاندووە، “هاوكاری له‌نێوان ئیداره‌ی خوێندنگه‌و مامۆستایانیش هه‌ر ده‌مێنێت به‌جۆرێك ئه‌گه‌ر مامۆستایه‌ك پێویستی‌ به‌هاوكارییه‌ك هه‌بوو ده‌توانرێت جگه‌ له‌و ڕۆژه‌ی به‌شه‌ وانه‌ی‌ نییه‌ هاوكاری بكرێت، به‌ڵام ده‌بێت ئه‌و هاوكاریانه‌ كاریگه‌ری نه‌بێت له‌سه‌ر به‌شه‌ وانه‌و خوێندكاران و پرۆسه‌ی‌ خوێندن له‌و خوێندنگه‌یه‌دا”.

بابەتی دواتر

FB_IMG_1552290786598

كۆنفڕانسی حەوتەمی بزووتنەوەی ئیسلامی بەڕێوەدەچێت.

كۆنفڕانس دوای خوێندنی چەند ئایەتێك لە قورئانی پیرۆز و مارشی بزووتنەوەی ئیسلامی دەستی بەكارەكانی كرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *