16102018102600_n47dxu1x

‌له‌ ژێر 20 ته‌ن ته‌ماته‌ی خراپبوو ده‌ست به‌سه‌ر جگه‌ری به‌سه‌رچودا گیرا

قایمقامیه‌تی قه‌زای كه‌لار رایگه‌یاند، لیژنه‌ هاوبه‌شه‌كانیان له‌ عه‌لوه‌ی شاره‌كه‌ ده‌ستیان به‌سه‌ر 20 ته‌ن ته‌ماته‌ی خراپدا گرتووه‌ كه‌ له‌ ژێره‌كه‌یدا جگه‌ری به‌ستوو هه‌بووه‌.

له‌ راگه‌یه‌ندراوێكی قایمقامیه‌تی كه‌لاردا هاتووه‌: له‌ ناو عه‌لوه‌ی‌ كه‌لار لیژنه‌كانی‌ قایمقامیه‌تی‌ كه‌لار ده‌ستیانگرت به‌سه‌ر 20 ته‌ن ته‌مانه‌ی‌ خراپ و له‌ ژێره‌وه‌ی‌ باره‌ ته‌ماته‌كه‌ش بڕێكی‌ زۆر جگه‌ری‌ به‌ستوو ده‌ستی‌ به‌سه‌رداگیرا كه‌ به‌سه‌رچووه‌ و هاوكات قه‌ده‌غه‌شه‌.

راشیگه‌یاند: له‌كاتی‌ پشكنینی‌ عه‌لوه‌ی‌ كه‌لار له‌ لایه‌ن لیژنه‌كانی‌ قایمقامیه‌تی‌ كه‌لاره‌وه‌، له‌ ناو دوو ئۆتۆمبێلی‌ بارهه‌ڵگردا 20 ته‌ن ته‌ماته‌ی‌ خراپ ده‌ستی به‌سه‌رداگیرا كه‌ به‌ پێی‌ رێنماییه‌ ته‌ندروستییه‌كان شیاونه‌بوون بۆ خواردن.

ئه‌وه‌شی وتووه‌: “له‌ كاتێكدا له‌ ناو بارهه‌ڵگره‌كان باره‌كه‌ هێنرانه‌ خواره‌وه‌، له‌ ژێره‌وه‌ی‌ ته‌ماته‌كان بڕی‌ 518 كیلۆ جگه‌ری‌ مریشك ده‌ستی‌ به‌سه‌ردا گیرا كه‌ به‌سه‌رچووه‌ و هاوكات جگه‌ری‌ به‌ستوو قه‌ده‌غه‌، ئه‌مه‌ جگه‌ له‌وه‌ی‌ به‌ شێوه‌ی‌ نهێنی‌ له‌ ژێره‌وه‌ی‌ باره‌كان دانرابوون بۆ ئه‌وه‌ی‌ له‌ بازاره‌كانی‌ كه‌لار ساغی‌ بكه‌نه‌وه‌ و له‌ لایه‌ن لیژنه‌كانه‌وه‌ هه‌موو ئه‌و ته‌ماته‌و جگه‌ری‌ به‌ستووه‌ له‌ ناو بران و هاوكات به‌ بڕیاری‌ قایمقامی كه‌لار هه‌ریه‌كه‌و به‌ بڕی‌ 500 هه‌زار دینار غه‌رامه‌ كران و رووبه‌رووی‌ یاساش ده‌كرێنه‌وه‌.

بابەتی دواتر

51114388_343141046292647_2742393913359728640_n

‌وه‌زاره‌تی‌ داد: 323 تاوانبار سودمه‌ندبوون له‌ لێبوردنی‌ گشتی‌

وەزارەتی داد رایگەیاند، بە پێی یاسای ژمارە چواری ساڵی ٢٠١٧، دوو هەزار و ٣٢٣ تاوانبار …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *