38246222_1931605713528109_4529183798364995584_n

درۆ و نيفاق و خيانەت لەناو كايەى سياسى و كۆمەڵايەتيدا

كاميل مەحمود

ئەم دەستەواژانە لەناو ژيانى كۆمەڵايەتى ئێمەدا زۆر بەكاردێت و هەر كۆمەڵگەيەك ئەم سيفەت و ئاكارە خراپانەى تيابێت هەمييشە ناسەقامگيرەو تاكەكانى لەنێوان خۆياندا بێ متمانە دەبن بەرامبە بەيەكتر، هەميشە قورباييەكانيش كەسە پاك و سينەساف و راستگۆكانن..

لەهەمووى خراپترو مەترسيدارتر بۆ سەر كۆمەڵگەو ژيانى خەڵك ئەوەيە ئەو ئاكارو سيفەتە خراپانە شۆڕبێتەوە بۆ ناو ژيانى سياسى و ئەداى حزبەكان و نوخبەى حوكمڕان، كە بەداخەوە ئەمڕۆ لەكوردستاندا هەموومان بووينەتە قوربانى درۆو نيفاق و خەنجەرى خيانەتى پشتەوە، بۆيە وڵات نغرۆ بووە لەستەمكارى و نادادپەروەرى و تاڵان و دزى، سياسەت پەيوەستە بەهەموو بوارەكانى ژيانى خەڵكەوە بەو پێيەى كە هونەرى بەڕێوەبردنى كاروبارى خەڵكە، حزب و حزبايەتيش لەئەمڕۆدا سياسييەكان و گوڵبژێرەكانيان دەهێننە پێشەوە بۆ ئەوەى ئەو ئەركەمان بۆ ڕاپەڕێنن و بەڕێوەبەرى كاروبارەكانمان بۆ بەرهەم بهێنێنن، بەڵام حزبيش بۆ گەيشتن بەو پێگە باڵايەى حوكمى وڵات زۆرجار پەنا دەبات بۆ هەرچى ئاكارى خراپە لەدرۆو نيفاق و خيانەت و چەواشەكارى بۆ گەيشتن بەدەسەڵات يان مانەوە لەدەسەڵاتدا وەك ئەو هەموو تەزويرو ساختەكارى و درۆو فيشاڵەى لەكاتى هەڵبژاردنەكاندا بەكار دەهێنرێت، حزبەكان تەنها ئەوانە لەگەڵ دەرەوەى خۆياندا ناكەن، بەڵكو زۆرجار لەناوەوەى خۆيشياندا هەمان ئاكارو رەوشتى خراپ بەرامبەر بەهاوكارو هاوحزبەكانى خۆيان پيادە دەكەن و خەنجەرى ژەهراوى لەپشتى يەكتر دەدەن، بەتايبەتى كەسانى باڵادەستى سەرەوە لەوانەى ئينتيمايان بۆ جەنابى كەمترە لەكەسێكيتر كەبەردەوام تۆزى سەرشانى بۆ دەتەكێنێت و بووەتە دەروێش، ئەويش هەر بەنيفاق و دوو ڕوويى ئەوە دەكات و بەدرۆ حاڵ لەخۆى دێنێت..

لەوانيش خراپتر ئەوەيە كە ئەم رەوشە خراپە پەل بهاوێ بۆ ناو حزبە ئيسلامييەكان و ژيانى سياسى ئەوان، چونكە مەترسييەكە زياترو دەرهاوێشستەكانى خراپترە، كاتێك بەناوى دين و بانگەوازو خزمەتى ئيسلامەوە دوكانێكى سياسى دابنێت و كاسپى بەسەر ئيسلامەوە بكا و كۆمەڵێك كەسى سينەساف و راستگۆ بكاتە قوربانى بەرژەوەندييەكانى، خۆى و شاگردەكانى لەسەر خوێن و ژيانى ئەوان پارە بلۆك بكەن و سەروەت و سامان پێكەوە بنێن تراژيدياكە قوڵتر دەبێتەوەو لەو نێوەندەدا جگە لە موتەدەينەكان دينەكەش دەبێتە قوربانى، درۆو نيفاق و خيانەت لەناو هەر كايەيەكيتردا ئەگەر درەنگ بكەرەكانى رسوا بكات، لەناو كايەى ئايينى و كارى ئيسلاميدا زۆر زوو كاراكتەرەكانى بێ ئابڕوو دەكات و باجى ساڵان و رۆژانى ڕابردووى بۆ كەڵەكە دەكات.

بەهيواى پاكبوونەوەى ژينگەى سياسى و كۆمەڵايەتيمان لەدرۆو نيفاق و خيانەت و گەڕانەوەى پاكيەتى و بەرائەت بۆ ناو كۆمەڵگە.

بابەتی دواتر

1016778_486779041403625_1221301673_n

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک ن. شۆرش کەمال پەیامى کۆنگرەى میانەڕوى سەرکردە سەللاحەدینى …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *