44953767_1347541632046533_2939161187121627136_n

خەونەکانی کورد لە حکومەتی داهاتووی عێراق بەکوێ دەگەن

خەونەکانی کورد لە حکومەتی داهاتووی عێراق بەکوێ دەگەن

ن. عەلی حاجی زەڵمی

قەت هێزێک شک نابەین بەماناى کەلیمە بیر لە چارەنووسى مەدەنیانەو دیموکراسیانەى ئێراقیەکان بکاتەوە، چارەنووسێک کە بەدەر بێت لە سیحرى چەندین ساڵەى مەزهەبء ناسیۆنالیستەکانى ئێراق، هەرکات ئێراقییەکان لە چنگى مەزهەب رزگاریان بێت ، دەکەونە مەتەرێزى قەومىء قەوامەکانى فاشیزمەوە. ئەمەش سروشتێکە، لە ئەزەلەوە ئێراقیەکانی تێى کەوتوون. هەر بۆیە لە تازەترین هەڵبژاردنەکانى ئەم جارەدا ئەوەمان بۆ روون دەبێتەوە کە بەڵێ پێکهاتەى لیستە سەرکەوتنەکانى هەڵبژاردن لە ئێراقدا پێکهاتەیەکن کە لەلایەکەوە مەزهەبء شیعە گەرایى دەیجوڵێنێت، لەلایە کیشەوە نەتەوەو نەتەوەخوازى هەوێنى کۆبونەوەى دەنگەکانیەتى. ئەم نەزمە لە ئەدەبیاتى ئێراقیە کاندا تازە نیەو دێرینە، هەر بۆیە ئەمرۆش ئەو لیستانەب وەک شونایى سونیەکانوەک کوردو مەزهەبگەرا هەرێمیەکانى ئێرانء دەوڵەتى یاسا وەک مەزهەب گەرا کانى عەرەب خۆى نومایان دەکات. هەرگیز ئێراق ناتوانێت لە چاڵى ئەو جەهەنەمە بێتە دەرەوە کە ناوى لێنراوە جەنگى تایفەو قەومەکانى ئێراق. ئەمرۆ ئێراق لە حەوشەى فەوزایەکدایە کە بۆنء بەرامەى فاشیزمء دۆگماتیزمى مەزهەب دەیجوڵێنێت. هەر بۆیە ئەگەر عەرەبێکى سونى بەرژەوەندىء عەدالەت لە دەوڵەتى یاسادا ببینێتەوە قەت مل نادا بۆ ئەو لیستە، یاخۆ ئەگەر کوردێک بوونى خۆىء نەتەوەکەى لە لیستێکی ببینێتەوە قەت مل نادات بۆ ئەو لیستە یاخۆ ئەگەر عەرەبێک بوونى خۆى لە لیستى کوردیدا ببینێتەوە قەت مل نادا بۆ کورد، ئەمەش ماناو مەفهومى کۆنخوازىء دەمارگیرىء نیپۆتیزمى ئاینە لەناو نەتەوەکانى ئێراقدا . لەبەر ئەوە تا ئێراقییەکان بەم لۆژیکەوە بیر بکەنەوە ناگەنە دەرویەک کە ژیانى دیموکراسیانە راپێچیان بکات. هەر بۆیە پێمان وایە ئایندەى ئێراق تاریکە لە ناو خەردەلى خزمایەتىء نەتەوایەتىء مە زهەب گەراکاندا، ئایندەى خەڵکى ئێراق دوورە لە هێماکانى مەدەنیەتء دیموکراسىء خۆرئاوا ژیانى هاوبەش. لە بەر ئەوە دەکرێت بڵێین ئێراق سیمبوڵى نەتەوە سەردەستەکانء بۆرجوا کۆنخوازەکانء سەرمایەدارە ملهورەکانى رابردووە. ئێراق زۆنگاوى جەهلى چڵێسە سەرکەشەکانى شەهوەتء شەهامەتە بەزیوەکانى ئەمرۆى دنیاى عەرەبە کە کوردیشى گرتووەتەوە. ئەو ئازایەتیەى رۆژهەڵاتناسەکان لە ئەزمونء رابردووى کوردا باسى دەکەن ئیتر باوى نامێنێتء کۆتایى دێت. ئیتر کورد نەتەوەیەکە چاوى لەمء ئەوەو قەت ناگاتە ساحلێکى خەونە رزیوەکانى.

 

ش.ك

بابەتی دواتر

1016778_486779041403625_1221301673_n

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک ن. شۆرش کەمال پەیامى کۆنگرەى میانەڕوى سەرکردە سەللاحەدینى …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *