1016778_486779041403625_1221301673_n

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک

کۆنگرەى میانەرەِوى سەرکردە”سەللاحەدینى ئەیوبی” و چەند سەرنجێک
ن. شۆرش کەمال
پەیامى کۆنگرەى میانەڕوى سەرکردە سەللاحەدینى ئەیوبی وەرچەرخێنەرى مێژوو گەرچی بۆ ئێستاو ڕاستکردنەوەى گومان و دەمکوتکردنەوەى ناحەزانى زۆرپێویست بوو جێگەى دەستخۆشیە بۆ ئامادەکارانى بەڵام دەکرا چەند تێزوو تێگەیشتنێکى واقیعیترو عەقڵمەندانەى تریشی لە خۆبگرتایە.. چونکە بەتەنها ڕاستکردنەوەى گومان و زیندوکردنەوەى ئەو کەسایەتییە بەس نییە بۆ ئەم دۆخەى ئێستاى جیهانى موسڵمانشین.
دەبوو ئاراستەى تەوەرەکان بە دولایەنى بێت، لایەک کەسایەتى و پەروەردەو گرنگى باوەڕ-ئیمان لە گەیشتن بە ئامانجەکان و خودى ئەخلاقی بوونى کەسایەتى سەللاحەدین لە بوارەکانى سیاسەت و سەربازى و دبلۆماتى و شەرعزانى و کارپێکردنى بنەماکانى مەقاسیدى شەریعەو تێگەیشتنى سەللاحەدین لایەکی ئامانج و ئەنجامەکانى کۆنگرەکە بوایە.. لاکەیتری دەرچوون بوایە لە ڕەوتى سەرکردایەتى کلاسیک لە لاسایکردنەوەى کتومتى ئەو سەرکردە و باسکردنى وەک مێژوو یان ڕابردوو.
ئێمە لە بیستەکانى سەدەى ڕابردوو تا هەنوکە چەندین شۆرش و سەللاحەدینى تەقلیدیمان هەبووە و سەرکردەکان ویستویان ئەو رۆحیەتە زیندووکەنەوە بەڵام چونکە نەیانتوانیووە لە و سەردەمەو دەوروبەرى خۆیان و مێژووى گۆڕاوى دۆخەکان تێبگەن هەرزوو شۆرش و سەرکردایەتیش شکستهێناوە وەک شۆرشی شێخ سەعیدى پیران لە تورکیاو شۆرشی سەواف لە موسڵى عێراق و شۆرشی سوریاو کۆمەڵەى سەید حەواو رەوتەجیاکانى رۆژهەڵات لە ئێران.
ئەمانە هەموو بەڵگەن سەللاحەدین هەڵقوڵڵاوى مێژوویەکى دیاریکراو بوو لە جوگرافیایەکى دیاریکراو کە تا ئەوکاتانەش پلانێکى نێودەوڵەتى و هاوپەیمانى ئیقلیمى شتێک نەبوو وەک ئەوەى لەدواى بیستەکانى سەدەى ڕابردوو بووە پەیمانى نێودەوڵەتى لەسەردابەشکردنى جیهانى موسڵماننشین و بەتایبەت رۆژهەڵاتى ناوەڕاست، هەر بۆیە ئەگەر ئێستا سەلاحەدینى ئەیوبیش زیندوبایەتەوەو بهاتایەتە نێو ئەو کۆنگرەیە چوارکەس نەبوو دوای کەوێ یەکێ دەیوت کاکە بزنزمان هەیەو هاوبەشیمان هەیە و یەکێ دەیوت کاکە پرۆتۆکۆلمان هەیەو یەکێ دەیوت بۆ خاترى خوا ناومان دەچێتە لیستى ڕەش و ئەوشتانە .. خۆ ناهەقیشیان نەبوو وابڵێن و دوای نەکەون چونکە لۆژیک نییە لە 2018 بتەوێ سەللاحەدینێکى کلاسیکى بیت و ڕوبەڕوی ئەو هەموو دەوڵەت و پەیمان نامەو دامەزراوەبیتەوەو خاک و وڵڵات و دینت بە دەستى ئیمپریالیزمەوە بێت و میرنشین و دەوڵەت و شانشینەکانیش هەموو لەبری ئیسلام و شەریعەت و یاسا عەلمانى و نیمچە عەلمانى و عەسکەرتاریەتى ئینتیداب بێت و لەسەرو هەمووشیەوە 12% ى گەل بە ئیسلامیبوونى دین و دەوڵەت ڕازیبن.
لەم حاڵەتەدا پێم وایە سەللاحەدینى ڕاستەقینەو سەللاحەدینە کلاسیکییەکانیش دەبێت بەلۆژیک و مەقاسیدى شەریعەت کاربکەن و لەگەڵ ئەم دۆخەو ستراتیژى دورونزیک خۆیانبگونجێنن و بە ئەپڵیکەیشن و ڤێرژنى سەردەمى ئێستاو واقیعەکەى کاربکەن و لە سەللاحەدین و گۆڕینى ڕەوتى مێژوو بڕوانن.

ش.ك

بابەتی دواتر

44953767_1347541632046533_2939161187121627136_n

خەونەکانی کورد لە حکومەتی داهاتووی عێراق بەکوێ دەگەن

خەونەکانی کورد لە حکومەتی داهاتووی عێراق بەکوێ دەگەن ن. عەلی حاجی زەڵمی قەت هێزێک شک …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *