24110

ئاسایشی رۆژئاوای سلێمانی: بازرگانیکردن به‌ مادده‌ی هۆشبه‌ره‌وه‌ زیادیکردووه‌

رائید زمناکۆ عومه‌ر، وته‌بێژی به‌ڕێوه‌به‌رایه‌تی ئاسایشی رۆژئاوای سلێمانی له‌ ناوه‌ندی قه‌زای چه‌مچه‌ماڵ ئه‌مڕۆ چوارشه‌ممه‌ له‌ کۆنگره‌یه‌کی رۆژنامه‌وانیدا رایگه‌یاند: به‌ڕێوه‌به‌رایه‌تیه‌كه‌یان له‌ماوه‌ی مانگه‌کانی نیسان تا کۆتایی تشرینی دووه‌می ئه‌مساڵ چوار باندی دزینی ماڵان و رێگریکردن، له‌گه‌ڵ 12 كه‌سى دیكه‌ى به‌و تۆمه‌ته‌ ده‌ستگیركردووه‌.

ناوبراو وتيشي: له‌و ماوه‌یه‌دا (18) که‌سی دیکه‌یان به‌ تۆمه‌تی هه‌ڕه‌شه‌ و ته‌قه‌کردن و رفاندن ده‌ستگیرکردووه‌ له‌گه‌ڵ ده‌ستبه‌سه‌رداگرتنی ماڵێک له‌ ناحیه‌ی شۆڕش که‌ بۆ کاری به‌دڕه‌وشتی و ده‌ستدرێژیکردنی سێکسی‌ بۆ سه‌ر منداڵان به‌کارده‌هێنرا، تاوانباره‌کانیان ده‌ستگیرکران و سه‌رجه‌میان به‌ بڕیاری دادوه‌ر به‌ندکراون.
وته‌بێژی به‌ڕێوه‌به‌رایه‌تی ئاسایشی رۆژئاوای سلێمانی ئه‌وه‌شی ئاشكرا كردوه‌، به‌گوێره‌ی  ئاماره‌کانی به‌رده‌ستمان به‌کارهێنان و بازرگانیکردن به‌ مادده‌ی هۆشبه‌ره‌وه‌ زیادیکردووه‌، چونکه‌ گه‌نجان زیاتر روو له‌ به‌کارهێنانی ده‌که‌ن.

ش.ك

بابەتی دواتر

NB-147209-635787888062177972

ده‌ستگیر كردنی گروپێكی كونكردنى بۆریی نەوت راگه‌یه ندرا

ئه‌نجومه‌نی ئاسایش ده‌ستگیر كردنی گروپێكی به‌قاچاخبردنی نه‌وتی راگه‌یاند، جارێكی تر و لە قەزایه‌كی پارێزگای دهۆك …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *