FB_IMG_1490971011457

حەبی دژە کرم بەسەر خوێندکارانى هەڵەبجەدا دابەشكرا

حەبی دژەکرم بەسەر خوێندکارانی قۆناغی بنەڕەتی لە پارێزگاى هەڵەبجە دا دابەشكرا و بەرپرسی بەشی پتەوکردنی تەندروستی لەبەێوەبەرایەتی خۆپاراستنی ھەڵەبجەش دەڵێت لەپێناو پاراستنی خوێندکاراندا ھەڵمەتەکە ئەنجامدەدەن. 

بەرپرسی بەشی پتەوکردنی  تەندروستی لەبەێوەبەرایەتی خۆپاراستنی ھەڵەبجە لوقمان عەبدوڵا، ڕايگەیاند:”لەژێر ڕێنمایی وەزارەتی تەندروستی عیراق و کارگێڕی بەڕێوەبەرایەتی تەندروستی ھەڵەبجە ئەم ھەڵمەتە بۆ ئەو خوێندکارانە ئەنجامدەدەین کە لەپۆلی یەک تاوەکو پۆلی نۆی بنەڕەتی دەخوێنن”.

ڕاشيگەياند:”لەزۆرێک پارێزگاکانی عێراق ئەم ھەڵمەتە ئەنجامدراوەو لەھەرێمی کوردستانیش پارێزگای سلێمانی و ھەڵەبجە دیاریکراوە و ئێمەش دەرمانەکە لە سەرجەم قوتابخانەکان دابەشی دەکەین”.

سەبارەت بەچۆنیەتی حەبەکە، لوقمان عەبدوڵڵا ئاماژەی بەوەشکرد حەبەکە ناوە زانستیەکەی(مبینیدازول)ەوە، پێشیدەوترێت(ڤێرمۆکس) کە دژە دروستکردنی جۆرە کرمەکانی شریتی و دەزوویە و بەشێوەی کرماندن دەبێت خوێندکاران بیخۆن، کە ھەرچەندە ھیچ مەترسییەکی ئەو نەخۆشیە لەئارادا نییە، بەڵکو تەنھا لەپێناو خۆپاراستنە.

بابەتی دواتر

42521850_1822294657891642_7400355687550681088_n

ڕابەری گشتی: پێشوازی لە ئایەتوڵا محمد جواد الخالصی کەسایەتی ناوداری عیراق كرد

ڕۆزى سێ شەممە 25/9/2018ڕێزدار مامۆستا عرفان علی عبدالعزیز ڕابەری گشتی بزوتنەوەی ئیسلامی لەبارەگای تایبەتی خۆی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *