14112018944600_buj0a0o3

بە هەزاران تووشبووی نەخۆشی شەكرە لە سلێمانی بوونی هەیە

به‌ڕێوه‌به‌رایه‌تی گشتیی ته‌ندروستی سلێمانی ئاماری تووشبوانی نه‌خۆشی شه‌كره‌ی راگه‌یاند و ئاشكراشیكرد، ته‌نها له‌ ماوه‌ی ئه‌مساڵدا دوو هه‌زار و 531 نه‌خۆشی نوێ راگه‌یه‌ندراوه‌.

به‌پێی ئامارێكی به‌ڕێوه‌به‌رایه‌تی گشتیی ته‌ندروستی سلێمانی‌ هاتووه‌: له‌ساڵی 2007وه‌ 20 هه‌زارو 765 تووشبوی نه‌خۆشی شه‌كره‌ تۆماركراون، له‌مساڵیشدا تائێستا دوو هه‌زارو 531 نه‌خۆشی نوێ تۆماركراون كه‌ هه‌زارو 113 یان له‌ڕه‌گه‌زی نێرو هه‌زارو 418كه‌ی‌ دیكه‌ش له‌ ره‌گه‌زی مێ بوون، کۆی گشتیش 32 هەزار.

ئاماری سه‌ردانی نه‌خۆشانیشی‌ خستوه‌ته‌ڕوو، به‌گوێره‌ی‌ ئه‌و ئاماره‌ تا مانگی 11ی ئه‌مساڵ به‌مه‌به‌ستی وه‌رگرتنی پشكنینی خوێن و وه‌رگرتنی چاره‌سه‌ر 46 هه‌زارو 908 سه‌ردانیان كردوه‌.
هاوكات ئه‌مڕۆ چوارشه‌ممه‌ 14ی تشرینی دووه‌می 2018، له‌ رۆژی جیهانی نه‌خۆشی شه‌كره‌دا چه‌ند چالاكییه‌ك له‌ سلێمانی به‌ڕێوه‌چوون.

لە چالاکیەکانی ئەمڕۆدا لە سەنتەری چارەسەری شەکر و کوێرەگلاندەکان سەر بەرێوەبەرایەتی گشتی تەندروستی سلێمانی ئه‌نجامدرا، پشکنینی بێ بەرامبەر دەکەن بۆ ئەو کەسانەی کە روویان تێدەکەن بۆ پاراستنی تەندروستیان.

هەر لە چالاکییەکاندا لە پێناو کۆنتڕۆڵکردنی ئەو کەسانەی توشی نەخۆشی شەکرە بوون، هۆشیاری تەندروستی دەدرا بە ئەو کەسانەی کە تووشی نەخۆشیەکە بوون و بەتایبەتی رێنمایی بەکارهێنانی خۆراکیەکان.

هەر لەوبارەیەوە دێرین ئەحمەد بەرپرسی کارگێڕی سەنتەری شەکرە و کوێرەگلاندەکان سلێمانی رایگەیاند،، نەخۆشی شەکرە رووی لەزیادبوون کردوە و ساڵ لەدوای ساڵیش رێژەکە زیاددەکات و لە ساڵی 2007 تا ئێستا نزیکەی 32 هەزار و 824 نەخۆشی شەکرە لە سلێمانی تۆمارکراون.

روونیشکردەوە، ئەو ئامارە تەنها ئەوانە دەگرێتەوە کە تەمەنیان لە سەرووی 15 ساڵیەوە.

بابەتی دواتر

ـ زۆری و بەردەوامی باران بارینی هەفتەی رابردووی ناوچە جیاجیاكانی هەرێمی كوردستان، ئاوی سەرچاوە ئاوییەكانی بووژاندووەتەوە و بەڕێژەیەكی زۆر ئاوی ئەو سەرچاوانە زیادی كردووە. 
 ( ئاژانسی ئانادۆڵو - Feriq Fereç )

بەوێنە..سەرچاوەی زەڵم دوای باران بارین

سەرچاوەی زەڵم لە هاوینەهەواری ئەحمەدئاوا (ناوچەی هەورامان لە سنووری پارێزگای هەڵەبجە) بە هۆی ئاوی ئەم …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *