38246222_1931605713528109_4529183798364995584_n

پاراستنى قورئان لەسەردەمى كارپێنەكردنيدا

كاميل مەحمود

موعجیزه‌ی پاراستنی قورئان له‌خوای گه‌وره‌وه‌یه‌، ئه‌گه‌ر ئێمه‌ ‌دوو هێڵ وه‌ربگرین، هێڵی جێبه‌جێكردنی ئاراسته‌كانی قورئان و كارپێكردنی، له‌گه‌ڵ هێڵی پارێزگاری له‌قورئان، ده‌بینین په‌یڕویكردن له‌قورئان به‌تێپه‌ڕبوونی رۆژگار كه‌م و لاواز ده‌بێت، يان هەڵكشان و داكشان بەخۆيەوە دەبينێت، به‌ڵام پارێزگاریكردن له‌قورئان به‌تێپه‌ڕبوونی رۆژگار زیاتر به‌هێز ده‌بێت، ئێستا قورئان له‌هه‌موو كتێبخانه‌یه‌كدا ده‌بینرێت، هه‌روه‌ها له‌ناوئۆتۆمۆبیله‌كان و له‌سه‌ر سینه‌ی خانمه‌كان و ناوماڵه‌كان و هه‌موو جێگایه‌ك، ده‌بینین بۆ جوانكاری له‌كه‌سانێكه‌وه‌ باوه‌ڕیان پێی نییه‌، بابایه‌كی ئه‌ڵمانی هه‌موو قورئان له‌سه‌ر یه‌ك لاپه‌ره‌دا ده‌نووسێت و به‌شێوه‌یه‌كی جوان ده‌ری ده‌هێنێت كه‌ له‌وانه‌یه‌ قورئانیشی نه‌خوێندبێته‌وه‌، له‌یابان جوانكاری ده‌كرێت له‌چاپكردنی په‌ڕاوه‌كانی قورئاندا، ئه‌گه‌ر پرسیاریشیان لێ بكه‌یت بۆچی ئه‌مه‌ بۆ كتێبه‌كانی تر ناكه‌ن؟ ده‌ڵێین ئه‌وانه‌ ده‌سته‌مۆ كراون بۆ قورئان، چونكه‌ خوای گه‌وره‌ قورئان ده‌پارێزێت، ئه‌م پاراستن و پارێزگارییه‌ش هه‌مووی كاری خوا‌یه‌ نه‌ك كاری مرۆڤ. تۆ كاتێك قورئان له‌نووسینگه‌یه‌ك یان سه‌یاره‌یه‌ك و ماڵێك ده‌بینیت و له‌خاوه‌نی سه‌یاره‌و ماڵ ونووسینگه‌كه‌ بپرسیت ئایا كار به‌م قورئانه‌ ده‌كه‌یت؟ وه‌كو پێویست نوێژ ده‌كه‌یت؟ كه‌واته‌ بۆچی قورئان له‌ماڵه‌كه‌تدا هه‌ڵده‌گریت به‌بێ ئه‌وه‌ی كاری پێ بكه‌یت؟ ناتوانێت وه‌ڵامت بداته‌وه‌، یان ده‌ڵێت بۆ به‌ره‌كه‌ت و پیرۆزییه‌.
لێره‌وه‌ ده‌بینین بێ ئاگاییمان له‌رێنموونییه‌كانی قورئان وه‌ك ره‌فتاری ژیان هاوتا نییه‌ له‌گه‌ڵ زیادبوونی هێزی پارێزگاری له‌قورئانی پیرۆز، لەسەردەمێكدا كە وەك پێويست كار بەقورئان ناكرێت هيچ مەترسييەك لەسەر ئەمنيەت و قەوارەى قورئان وەك كتێب يان وەك ئايەت و سورەتەكانى نييە، هه‌ندێ كات ده‌بینین ناموسڵمان پارێزگاری له‌قورئان ده‌كات و هه‌ڵیده‌گرێت، هه‌روه‌ها هه‌ندێ كاتیش ده‌بینین ئه‌وه‌ی په‌یڕه‌وی له‌قورئان ناكات زۆرترین ژماره‌ له‌قورئان په‌یدا ده‌كات، به‌م شێوه‌یه‌ خوای گه‌وره‌ ده‌یه‌وێت ئه‌وه‌مان بۆ روون بكاته‌وه‌ كه‌ ئه‌وه‌ی قورئان ده‌پارێزێت خوای گه‌وره‌یه‌، هه‌ركاتێك هێڵی كاركردن به‌قورئان لاواز ده‌بێت هێڵی پارێزگاری لێكردنی به‌هێز ده‌بێت، چونكه‌ كاركردن به‌قورئان ئه‌ركی به‌نده‌كانی خوایه‌، به‌ڵام پارێزگاری له‌قورئان كاری خوایه.

بەدەستكارييەوە لەكتێبى: المعجزة، محمد متولي شعراوي.

بابەتی دواتر

rabar_halabja_2

ڕابەری مە…

لاوێن پشدەری ئەوەی کەتۆی هێشتوەتەوە ڕۆشنبیری و سادەی و سیاسەتی ژیرانەو هیمەت بەرزیە، لەبەرامبەر هەر …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *