41220181142600_uvv5fmer

‌وڵاتێكی به‌ڵێنی‌ دا ڤیزا له‌سه‌ر هاوڵاتیانی‌ عیراق هه‌ڵبگرێت

وه‌زیری‌ ده‌ره‌وه‌ی‌ لوبنان به‌ڵێنی‌ به‌ سه‌رۆك وه‌زیرانی‌ عیراق دا ڤیزا له‌سه‌ر ئه‌و هاوڵاتییه‌ عیراقییانه‌ هه‌ڵبگرێت كه‌ رووده‌كه‌نه‌ ئه‌و وڵاته‌.

نووسینگه‌ی‌ راگه‌یاندنی‌ سه‌رۆك وه‌زیرانی‌ عیراق رایگه‌یاند كه‌ ئه‌مڕۆ سێشه‌ممه‌ 4ی‌ كانوونی‌ یه‌كه‌می‌ 2018 عادل عه‌بدولمه‌هدی‌ سه‌رۆك وه‌زیران له‌ نووسینگه‌كه‌ی‌ خۆی‌ له‌ به‌غدا پێشوازی‌ له‌ جوبران باسیل وه‌زیری‌ ده‌ره‌وه‌ی‌ لوبنان كرد.

ئاماژه‌ به‌وه‌شدراوه‌ كه‌ له‌ دیداره‌كه‌دا تاووێی‌ په‌ره‌پێدانی‌ هاوكاری‌ هه‌ردوو وڵات له‌ بواره‌كانی‌ ئابووری‌، بازرگانی‌، گه‌شتیاری‌ و وزه‌ و بارودۆخی‌ ناوچه‌كه‌ كرا.

وه‌زیری‌ ده‌ره‌وه‌ی‌ لوبنانی‌ سڵاوی‌ سه‌رۆك كۆماری‌ لوبنانی‌ گه‌یانده‌ عادل عه‌بدولمه‌هدی‌ و پیرۆزبایی پێكهێنانی‌ حكومه‌تی‌ لێكرد و جه‌ختی‌ له‌وه‌ كرده‌وه‌ كه‌ وڵاته‌كه‌ی‌ هه‌وڵده‌دات په‌یوه‌ندییه‌كانی‌ له‌گه‌ڵ‌ عیراق پته‌و بكات و قۆناغی‌ ئاینده‌ له‌ به‌رژه‌وه‌ندی‌ هه‌ردوو وڵاتدا بێت.

له‌ دیداره‌كه‌دا وه‌زیری‌ ده‌ره‌وه‌ی‌ لوبنان به‌ڵێنی‌ دا له‌ ماوه‌ی‌ ئاینده‌دا ڤیزا له‌سه‌ر هاوڵاتیانی‌ عیراق هه‌ڵبگرێت.

لای‌ خۆیه‌وه‌ سه‌رۆك وه‌زیرانی‌ عیرا جه‌ختی‌ له‌ گرنگی‌ په‌ره‌پێدانی‌ په‌یوه‌ندییه‌كانی‌ نێوان هه‌ردوو وڵات و به‌رده‌وامبوون به‌ دیداره‌ هاوبه‌شه‌كان و یه‌كخستنی‌ هه‌ڵوێسته‌كان كرده‌وه‌.

عادل عه‌بدولمه‌هدی‌ ئاماژه‌شی‌ به‌وه‌دا كه‌ بارودۆخی‌ عیراق به‌ره‌و باشی‌ ده‌چێت و پێگه‌ی‌ جارانی‌ بۆ ده‌گه‌ڕێته‌وه‌ و ئاسایش به‌رقه‌راره‌ و حكومه‌ت به‌ هه‌موو توانایه‌وه‌ هه‌وڵده‌دات ئابووری‌ گه‌شه‌پێبدات و خزمه‌تگوزاری‌ و هه‌لی‌ كار دابین بكات.

بابەتی دواتر

ـ زۆری و بەردەوامی باران بارینی هەفتەی رابردووی ناوچە جیاجیاكانی هەرێمی كوردستان، ئاوی سەرچاوە ئاوییەكانی بووژاندووەتەوە و بەڕێژەیەكی زۆر ئاوی ئەو سەرچاوانە زیادی كردووە. 
 ( ئاژانسی ئانادۆڵو - Feriq Fereç )

بەوێنە..سەرچاوەی زەڵم دوای باران بارین

سەرچاوەی زەڵم لە هاوینەهەواری ئەحمەدئاوا (ناوچەی هەورامان لە سنووری پارێزگای هەڵەبجە) بە هۆی ئاوی ئەم …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *