181020161524800_112282016_GANM-20167

پاره‌ی جووتیاران گه‌یشته‌ بانكه‌كانی هه‌رێم

باسک نێت:
پارەی جوتیارانی ھەرێم بۆ ساڵی ٢٠١٦ لەلایەن حکومەتی عیراقەوە رەوانەی بانکەکانی ھەرێم کرا و پەرلەمانتارێکیش ڕایدەگەیەنێت: سەرەتای ھەفتەی داھاتوو دەست بەدابەشکردنی دەکرێت.
ئەندامی لیژنەی کشتوکاڵ و بەنداوەکان لە پەرلەمانی کوردستان خەڵەف ئەحمەد ڕایگەیاند:”بەڕێژەی ٣٨.٥%ی پارەی جوتیارانی ھەرێم کە بڕەکەی ٥٩٣  ملیار دینارە بۆ ساڵی ٢٠١٦ گەیشتۆتە بانکەکانی ھەرێم”.
وتیشی:”قسەمان لەگەڵ بەڕێوەبەری بانک کردووەو بڕیاردراوە ڕۆژانی دووشەممەو سێشەممەی داھاتوو دەست بەدابەشکردنی پارەکە بەسەر جوتیاران بکرێت”.
سەبارەت بە شایستە داراییەکانی جوتیارانی ھەرێمیش، خەڵەف ئەحمەد کە ئەندامی فراکسیۆنی یەکێتییە، ڕوونیکردەوە: بڕی ٦٩ ملیار دیناری بەرھەمی جوتیاران بۆ ساڵی ٢٠١٤ و  بڕی ٢٧٢ ملیاریش بۆ ٢٠١٥ لەلای بەغدا دەمێنێتەوە، جگە لەو دوو بڕە پارەیەش، بەڕێژەی ٦٢%ی پارەی ساڵی ٢٠١٦ش دەمێنێت و بەپێی بڕیاری ئەنجومەنی نوێنەرانی عیراقیش، بڕیارە تا کۆتایی ئەم مانگە ڕەوانە بکرێت”.
لەلای خۆشیەوە، بەڕێوەبەری لقی سلێمانی کۆمپانیای گشتی دابەشکردنی دانەوێڵە ئەندازیار ئەمین محەمەد، ڕایگەیاند:”چەکی پارەی جوتیاران بۆ ساڵی  ٢٠١٦ ئامادەکراوە، چاوەڕوانی ئاگادارکردنەوەی بانکین بۆئەوەی چەکەکان دابەشبکەین و جوتیاران بچن پارەکانیان وەربگرن”.

وتیشی:” ھەموو جوتیارێک  بەڕێژەی ٣٨.٥%ی ئیستحقاقەکەی پێدەدرێت و بڕی ٥٦ ملیارو ٢٩٣ ملیۆن دینار بۆ جوتیارانی سنوری سلێمانی تەرخانکراوە”.

بابەتی دواتر

567567567

ئەمڕۆ 17 بوومەلەرزە ئێرانی هەژاند

دامەزراوەی فیزیكی زانكۆی تاران ئاشكرای دەكات، ئەمڕۆ ژمارەیەك بوومەلەرزە چەند ناوچەیەكی ئێرانیان هەژاندووە. بەپێی ئەو …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *