1882018853600_police-

‌پۆلیسی سلێمانی ئەنجامدەری تاوانی كوشتنی منداڵێك ئاشكرا دەكات

پۆلیسی سلێمانی ئه‌نجامده‌ری تاوانی كوشتنی منداڵێك ئاشكرا ده‌كات و دانپیادانانی تۆمه‌تباره‌كه‌ش بڵاوده‌كاته‌وه‌.

پاش ئەوەی رۆژی 29ی ئازاری 2018، منداڵێكی تەمەن سێ ساڵ بەناوی مستەفا بەرەگەز كوردی رۆژئاوای كوردستان لەبەردەم ماڵەكەی خۆیاندا لەكەمپی باریكە دیارنەما، هەر ئەو كات‌ و پاش بێ هیوا بون لەدۆزینەوەی منداڵەكەیان، دایك‌ و باوكی مستەفا لەبنكەی پۆلیسی عەربەت سكاڵای یاساییان تۆماركرد.

نه‌قیب سه‌ركه‌وت ئه‌حمه‌د، به‌ڕێوه‌به‌ری راگه‌یاندن و په‌یوه‌ندییه‌كانی پۆلیسی سلێمانی له‌ كۆنگره‌یه‌كی رۆژنامه‌وانیدا رایگه‌یاند: پاش گەڕان بەدوای چارەنوسی منداڵەكە، رۆژی 1ی نیسانی 2018، لاشەی مستەفا بەمردویی دۆزرایەوە لەسەر رێگای عەربەت- زەڕایەن.

دواتر هێزەكانی پۆلیس دەستیانكرد بەلێكۆڵینەوەو لە 9ی ئابی 2018، تۆمەتبارێك بەناوی (م، ك، ح) بەگومانی ئەنجامدانی تاوانەكە دەستگیركرا، بەڵام لەلێكۆڵینەوەكاندا تۆمەتبار نكۆڵی لەتاوانەكەی كردو بێ ئاگایی خۆی لەروداوەكە نیشاندا.

راشیگه‌یاند: هێزەكانی بنكەی پۆلیسی عەربەت بەردەوام بون لەلێكۆڵینەوەو كۆكردنەوەی بەڵگە لەسەر روداوەكە، پاش پشكنینی ئۆتۆمبێلی تۆمەتبار هەندێك بەڵگەی لەسەر كۆكرایەوە، وەك خوێن‌و موی قژ، هەروەها بەجل‌و بەرگی منداڵەكەو لەناو ئۆتۆمبێلی تۆمەتباردا هەندێك وردە تەبەدۆر دۆزرایەوە ئەوەش وایكرد كە سەرەداوەكانی رووداوەكە ئاشكرا ببن.

نه‌قیب سه‌ركه‌وت وتیشی: “بۆیە دواجار تۆمەتبار دوێنێ چوارشه‌ممه‌ 2ی كانوونی دووه‌می 2019، دانی نا بەتاوانەكەیدا كە لەبەردەم ماڵەكەی خۆیاندا منداڵەكەی شێلاوە و دوایی خستویەتییە ناو سندوقی ئۆتۆمبێلەكەیەوەو بەرەو ناحیەی زەرایەن بردویەتی”.

راشیگه‌یاند: پاشان كە زانیویەتی منداڵەكە مردووە هێناویەتییەوە بۆ كەمپەكە بەو نیازەی لەبەردەم ماڵی منداڵەكەدا فرێی بدات، بەڵام بەهۆی بونی خەڵكەوە لەنزیك ماڵی منداڵەكە، نەیتوانوە ئەو كارە بكات، بۆیە دوبارە تەرمەكەی بردۆتەوە بۆ دەرەوەی كەمپەكەو لەسەر شەقامی گشتی بەجێیهێشتووە، بۆ فریودانیش تۆمەتبار دوای ئەم كارەی لەگەڵ كەس و كاری منداڵەكەدا گەڕاوە بۆ دۆزینەوەی منداڵەكە.

بابەتی دواتر

FB_IMG_1552290786598

كۆنفڕانسی حەوتەمی بزووتنەوەی ئیسلامی بەڕێوەدەچێت.

كۆنفڕانس دوای خوێندنی چەند ئایەتێك لە قورئانی پیرۆز و مارشی بزووتنەوەی ئیسلامی دەستی بەكارەكانی كرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *