1882018853600_police-

‌پۆلیسی سلێمانی دەستگیرکرنی ژمارەیەک تۆمەتباری راگەیاند

پۆلیسی سلێمانی رایگه‌یاند، هێزه‌كانیان توانیویانه‌ 19 تۆمه‌تبار ده‌ستگیر بكه‌ن، كه‌ به‌شێكیان به‌هۆكاری زیاده‌ڕه‌وی كردنه‌ سه‌ر موڵكی گشتی ده‌ستگیركراون.

پۆلیسی سلێمانی له‌ راگه‌یه‌ندراوێكدا ده‌ڵێت: “رۆژی یه‌كشه‌ممه‌ 27ی كانوونی دووه‌می 2019، هێزەكانی بنكەی پۆلیسی راپەڕین نۆزدە تۆمەتباریان دەستگیركرد كە بەشێك لەو تۆمەتبارانە زیادەڕۆییان كردبووە سەر زەوی گشتی.

ده‌شڵێت: “هەرچەندە پێشترو لە چەند ئاگاداركردنەوەیەكدا هاوڵاتیانی شاری سلێمانی ئاگاداركرانەوە لەوەی كە زیادەڕۆیی نەكەنە سەرموڵك و ماڵی گشتی، بەڵام لەسنوری بنكەی پۆلیسی راپەڕین چەند تۆمەتبارێك هەستان بە زیادەڕه‌وی كردنە سەر زەوی گشتی”.

ئه‌وه‌شی راگه‌یاندووه‌: “بۆ ئەو مەبەستە لە پلانێكی تۆكمەدا هێزەكانی پۆلیس دوای بەدواداچوون و لێكۆڵینەوە لەو دۆسیانە و وەرگرتنی فەرمانی دادوەر توانرا دوێنێ یه‌كشه‌ممه‌ 37ی كانوونی دووه‌می 2019، یانزە تۆمەتبار دەستگیربكرێت بە پێی ماددەی 11 زیادەڕۆیی”.

پۆلیسی سلێمانی له‌ راگه‌یه‌ندراوه‌كه‌دا ئه‌وه‌شی باسكردووه‌: هەر لەو هەڵمەتەی هێزەكانی پۆلیس-دا توانرا هەشت تۆمەتباری تر دەستگیربكرێن بەپێی هەریەك لە ماددەكانی (432، 453، 456 لەیاسای سزادانی عیراقی و ماددەی 2ی خراپ بەكار هێنانی مۆبایل).

دواجار ئه‌وه‌ش هاتووه‌: لە ئێستادا سەرجەم تۆمەتباران بە فەرمانی داوەر راگیراون و پەڕاوی لێكۆڵینەوەش بۆ سەرجەمیان كراوەتەوە.

بابەتی دواتر

FB_IMG_1552290786598

كۆنفڕانسی حەوتەمی بزووتنەوەی ئیسلامی بەڕێوەدەچێت.

كۆنفڕانس دوای خوێندنی چەند ئایەتێك لە قورئانی پیرۆز و مارشی بزووتنەوەی ئیسلامی دەستی بەكارەكانی كرد. …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *