thumbs_b_c_4637df2ef592fe4ec9f1bd842dc6ebde

به‌هێزترین شەپۆلی سه‌رماوسۆڵه‌ ئه‌مریكای گرتۆته‌وه‌

له‌ میانی ئه‌و ٢٥ ساڵه‌ی دواییدا ساردترین شه‌پۆلی سه‌رماوسۆڵه‌ رووی له‌ ئه‌مریكا كردووه‌. به‌مهۆیه‌وه‌ سێ كه‌س بە هۆی نزمبوونەوەی لەڕادەبەدەری پلەکانی گەرماوە گیانیان لەدەستداوە و ژماره‌یه‌ك گه‌شتی ئاسمانی و گەشتی شه‌مه‌نده‌فه‌ریش هه‌ڵوه‌شێندراونه‌ته‌وه‌.

له‌مڕۆوه‌ ئه‌مریكا، به‌ تایبه‌تی به‌شی ناوه‌ڕاست و رۆژئاوا دووچاری ساردییه‌كی ته‌زیوو ده‌بێته‌وه‌.

له‌ میلواكی، دیترۆیت و ئێكۆرس سێ كه‌س له‌ شه‌قامه‌كان بە هۆی نزمبوونەوەی لەڕادەبەدەری پلەکانی گەرماوە گیانیان لەدەستداوە.

له‌ شیكاگۆی ویلایه‌تی ئیلینۆی پله‌كانی گەرما بۆ ١٧ پله‌ی ژێر سفری سه‌دی دابه‌زین و هه‌ستكردن به‌ پله‌كانی گه‌رماش له‌ ٤٤ سەدی پێوران.

به‌مهۆیه‌وه‌ رووباری شیكاگۆ به‌ستوویه‌تی و سەرجەم ئه‌و گه‌شتانه‌ش هه‌ڵوه‌شێندرانه‌وه‌ كه‌ بڕیار بوو به‌ شه‌مه‌نده‌فه‌ر له شاره‌كه‌ ئه‌نجام بدرێن.

له‌ سه‌رتاسه‌ری ئه‌مریكاش زیاتر له‌ دوو هه‌زار گه‌شتی ئاسمانی هه‌ڵوه‌شێندرانه‌وه‌.

پسپۆڕان ئاماژه‌ به‌وه‌ ده‌ده‌ن له‌ میانی ئه‌و ٢٥ ساڵه‌ی دواییدا ساردترین شه‌پۆلی سه‌رماوسۆڵه‌ رووی له‌ ئه‌مریكا كردووه‌. هۆشداریشیان داوه‌ له‌وه‌ی كه‌ خه‌ڵك زۆر ناچار نه‌بێت نه‌چنه‌‌ ده‌ره‌وه‌ و ئاژه‌ڵه‌ ماڵییه‌كانیان له‌ ده‌ره‌وه‌ جێنه‌هێڵن و له‌ كه‌لوپه‌لی كاره‌باییش وریا بن.

بابەتی دواتر

51114388_343141046292647_2742393913359728640_n

‌وه‌زاره‌تی‌ داد: 323 تاوانبار سودمه‌ندبوون له‌ لێبوردنی‌ گشتی‌

وەزارەتی داد رایگەیاند، بە پێی یاسای ژمارە چواری ساڵی ٢٠١٧، دوو هەزار و ٣٢٣ تاوانبار …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *