يەكێك لە كۆبوونەوەكانى پەرلەمانى عێراق
يەكێك لە كۆبوونەوەكانى پەرلەمانى عێراق

بڕیارێکی پەرلەمانی عێراق ھەڵدەوەشێندرێتەوە

باسک نێت:

بڕیارەکەی ئەنجومەنی نوێنەرانی عیراق لەبارەی ھەڵکردنی ئاڵای کوردستان لەکەرکوک ھەڵدەوەشێندرێتەوەو پەرلەمانتارێکی کوردیش زانیاری لەبارەی شێوازی ھەڵوەشاندنەوەی بڕیارەکە دەخاتەڕو، ڕاشیدەگەیەنێت: پەرلەمان ناتوانێت لێپرسینەوە لەکەرکوک بکات.

بڕیارە لەم ھەفتەیەدا ئەنجومەنی نوێنەرانی عیراق کۆببێتەوەو لەبارەی ئەو کۆبونەوەیەشەوە، نەوزاد ڕەسوڵ، ئەندامی فراکسیۆنی یەکێتی، ڕایگەیاند:”وەک کورد داوای پێداچوونەوەمان بە بڕیاری لابردنی ئاڵای کوردستان لەکەرکوک کردو بایکۆتی دوو دانیشتنی رابردووشمان کرد، لەبەرامبەریشدا سەلیم جبوری سەرۆکی ئەنجومەنی نوێنەران داوای لێکردین بەشداری لە دانیشتنەکاندا بکەینەوە”.

ڕاشیگەیاند:”وەفدەکەی ھەرێمیش کە لەگەڵ ژمارەیەک بەرپرس و سەرکردەی عیراقی کۆبوونەوە، ڕێکەوتنیان کردووە، لەسەر مانەوەی ئاڵای کوردستان لەکەرکوک تا مادەی ١٤٠ جێبەجێدەکرێت”.

سەبارەت بەشێوازی ھەڵوەشاندنەوەی بڕیارەکەی پەرلەمانیش، نەوزاد ڕەسوڵ ئاشکرایکرد:”تەنھا دادگای فیدراڵی دەتوانێت بڕیارەکەی ئەنجومەنی نوێنەران ھەڵبوەشێنێتەوە، دەکرێت سەرۆکی پەرلەمانیش بابەتی ھەڵکردنی ئاڵا دووبارە بخاتەوە بەرنامەی گفتوگۆو بەداننان بەوەی، بڕیارەکەی پێشتر نایاسایی بوو، گۆڕانکاری لەبڕیارەکەدا دەکرێت، ئەگەرنا دەبێت دادگای فیدراڵی بڕیارەکە ھەڵبوەشێنێتەوە.

سەبارەت بەکۆکردنەوەی واژۆ بۆ لەکارخستنی ئەنجومەنی پارێزگاو لابردنی پارێزگاری کەرکوک، ئەو پەرلەمانتارەی یەکێتی جەختیکردەوە، ئەنجومەنی نوێنەران ناتوانێت پارێزگار لەکارلابدات و ئەنجومەنی پارێزگا ھەڵبوەشێنێتەوە، ئەوەشی وت: “لەبەرئەوەی کەرکوک بەیاسای برێمەر کاردەکات، تاکە پارێزگایە لەعیراق تایبەتمەندی خۆی ھەیە، بۆیە زۆرجار ئەنجومەنی نوێنەران مافی لێپرسینەوەی بەرامبەر بەو پارێزگایە نییە”.

بابەتی دواتر

ele_66128344bde3bd25c16743ddd2c72ff3

پەرلەمانتارێکی یەکێتی وێنەیەکی نەبینراوی نەوشیروان مستەفای بڵاوکردەوە

باسک نێت: ئەندامێکی پەرلەمانی کوردستان لەلیستی یەکێتی وێنەیەکی نەبینراوی نەوشیروان مستەفا ڕێکخەری گشتی بزووتنەوەی گۆڕان …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *