Rudaw.net

ھەڵمەتی لابردنی زیادەڕۆیی سەر کارەبای نیشتمانی دەستپێدەکاتەوە

باسک نێت-سلێمانی

لەسنووری پارێزگای سلێمانی ھەڵمەتی لابردنی زیادەڕۆی کردنە سەر کارەبای نیشتیمانی دەستپێدەکاتەوە و بەڕێوەبەری دابەشکردنی کارەبای سلێمانیش ڕایدەگەیەنێت، لەسێ مانگی رابردوودا ھەزارو ٥٠٠ ھاوبەشی کارەبا زیادیکردووە.

ھیوا عەبدوڵڵا بەڕێوبەری دابەشکردنی کارەبای سلێمانی ڕایگەیاند:”ھەڵمەتەکانمان بۆ نەھێشتنی دیاردەی زیادەڕۆیی کردنە سەر کارەبای نیشتمانی دەستپێکردۆتەوەو لەڕێگەی لیژنەیەکی فراوان، کارەکان ئەنجام دەدرێت”.

وتیشی:”ھەموو ئەو زیادەڕۆییانەی لە باخ و شوێنە گشتییەکان و خانووە زیادەڕۆکان کراونەتە سەر کارەبای نیشتمانی، دەیانبڕین و سزای سەرپێچیکارانیش دەدەین”.

ناوبراو ئاماژەی بەوەکرد کە بەھۆی قەیرانی دارایی و کەمبونەوەی دەوامی رۆژانەی فەرمانگەکان و کەمکردنەوەی خەرجی دامودەزگاکانی حکومەت، بەشی نەھێشتنی زیادەڕۆیی سەر کارەبای نێشتمانی نەیتوانیوە بەپێی پێویست کارەکانی ئەنجام بدات.

سەبارەت با ئاماری چەند مانگی رابردوو، بەڕێوەبەری دابەشکردنی کارەبای سلێمانی رایگەیاند:” لەدوای دەرکردنی بڕیارێکی تایبەت لەلایەن پارێزگای سلێمانی سەبارت بە بەشداریکردنی ھاوڵاتیانی خاوەن باخ و خانووی تەملیک و فۆرم بەشێوەیەکی یاسایی لە ھاوبەشکردنیان بە دابینکردنی پێوەری کارەبا، لە سێ مانگی رابردوو ھەزار و ٥٠٠ ھاوبەش تۆمار کراون، بەپێی داتایاکی تایبەتیش ساڵانە زیاتر لە ٥٠٠ ملیۆن دینار بۆ داھاتی حکومەت لە فرۆشتنی ئەو کارەبایە دەگەڕێتەوە.

بابەتی دواتر

FB_IMG_1502981068644

شاندێکی بزووتنەوەی ئیسلامی سەردانی ئەنجومەنی سەرکردایەتی پارتی دیموکراتی کوردستان لە سلێمانی دەکات

باسک نێت-سلێمانی سەرلە بەیانی ئەمرۆ١٧ / ٨ / ٢٠١٧ شاندێکی بزووتنەوەی ئیسلامی کە پێکھاتبوون لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *