5ee0de65a2

خوێندکارانی دوانزەی ئامادەیی لە ھەڵەبجە گردبونەوەیەکی ناڕەزایەتیان ئەنجامدا

باسک نێت-ھەڵەبجە

بەمەبەستی خستنەڕووی چەند داواکارییەکیان، خوێندکارانی پۆلی دوانزەی ئامادەیی لەبەردەم بەڕێوەبەرایەتی پەروەردەی ھەڵەبجە گردبونەوەیەکی ناڕەزایەتیان ئەنجام دا و داوای کەمکردنەوەی مەنھەج و زیادکردنی پشوی پێش تاقیکردنەوەکانی کۆتایی ساڵیان کرد.

باسم ھادی نوێنەری خوێندکارانی دوانزەی ئامادەیی ڕایگەیاند:”بەھۆی بایکۆتی مامۆستایان و دواکەوتنی پڕۆسەی خوێندن، ئێستا فشارێکی زۆر لەسەر ئێمەی خوێندکاران دروستبووە کە لەم ماوە کەمەی کە ماوە، ھەموو مەنھەجمان پێ تەواو بکەن و پشوی پێش تاقیکردنەوەکانیش کەم بوەتەوە”.

ڕاشیگەیاند:”ئێمە لەم گردبونەوە داوامان کردووە کە پێویستە مەنھەجمان بۆ کەم بکەنەوە و ماوەی پشووەکەش وەک خۆی بمێنێت، لە ئەگەری جێبەجێ نەکردنی داواکارییەکانیشمان لەماوەیەکی نزیکدا ھەڵوێستی تر دەنوێنین.

ھاوکات سۆران عومەر بەڕێوەبەری پەروەردەی ھەڵەبجەش لەکۆنگرەیەکی ڕۆژنامەنووسیدا ئاماژەی بەوەکرد:”ئێمە لەگەڵ جێبەجێکردنی داواکاری خوێندکارانین، بەڵام کەمکردنەوەی مەنھەج لەدەسەڵاتی ئێمەدا نییە و داوامان لەخوێندکاران کردوە بە نووسراو داواکارییەکانیان بخەنە بەردەممان و ئێمەش بەرزی دەکەینەوە بۆ وەزارەتی پەروەردە، بۆ ئەوەی داواکارییەکانیان بۆ جێبەجێ بکرێت”.

بابەتی دواتر

223201698569179a7c9b1ded255b3db7ebe2c5d04a6_XL

100 هەزار دینار مووچەی پۆلیسی یەكەی پاسەوانی زیاد كرا

بریكاری وەزارەتی ناوخۆ دەڵیت: بۆ ئەم مانگە نزیكەی 100 هەزار دینار مووچەی پۆلیسی یەكەی پاسەوانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *