IMK

بەیاننامەی مەکتەبی سیاسی بزووتنەوەی ئیسلامی بەبۆنەی کۆچی دوای نەوشیروان مستەفاوە

باسک نێت:

مەکتەبی سیاسی بزووتنەوەی ئیسلامی بەیاننامەیەکی بەبۆنەی کۆچی دوایی نەوشیروان مستەفا ڕێکخەری گشتی بزووتنەوەی گۆڕان بڵاوکردەوە و تیایدا پرسە و سەرەخۆشی ئاڕاستەی کەس و کاری بنەماڵەی نەوشیروان مستەفا و بزووتنەوەی گۆڕان کرد.

بەیاننامەی مەکتەبی سیاسی بزووتنەوەی ئیسلامی بەبۆنەی کۆچی دوای بەڕێز نەوشیروان مستەفا ئەمین رێکخەری گشتی بزوتنەوەی گۆڕان:

بەڕێزان⁄جڤاتی نیشتمانی بزوتنەوەی گۆڕان

بابەت⁄پرسەنامە

بە گوێبیست بوونی کۆچی دوایی کردنی بەڕێز نەوشیروان مستەفا ئەمین، رێکخەری گشتی بزوتنەوەی گۆڕان، لە بەیانی ڕۆژی ھەینی ١٩ی ئایاری ٢٠١٧ لەماڵەکەی خۆی لە شاری سلێمانی پایتەختی ڕۆشنبیری ھەرێمی کوردستان غەمباری کردین، بەو بۆنەیەوە پرسەو سەرەخۆشی خۆمان ئاراستەی تەواوی خانەوادەو جڤاتی نیشتمانی و ئەندام و لایەنگرانی بزوتنەوەی گۆڕان دەکەین، لە خوای گەورە داواکارین ئارامی بە ھەمووان پپەخشێت.

لای ھەمووان شاراوانیە کاک نەوشیروان مستەفا، کەسێکی دەرکەوتوو و ماندوو و زەحمەتکێشی ناو بزافی ڕزگاری خوازی کوردستانی بوو، ھەر لە سەرەتایی شەستەکانەوە تا کۆچی دوای کرد بەردەوام لە خەباتدابوو لە پێناو ئەو ئامانجەی ھەیبوو و وەک سەرکردەیەکی رەنجدەرانی ناو گەلەکەی ناسراو بوو، دەخوازین لە دڵسۆزان و خەمخۆران و تەواوی ئەندامانی جڤاتی نیشتمانی بزوتنەوەی گۆڕان، مردنەکەی کاک نەوشیروان ببێتە ھۆکارێک بۆ زیاتر برایەتی و تەبایی و یەکڕیزی ناوماڵی کوردستانیەکان.

والسلام علیکم

مەکتەبی سیاسی بزووتنەوەی ئیسلامی لە کوردستان

١٩⁄٥⁄٢٠١٧ھەولێر

بابەتی دواتر

d23c82d7fd9c940c22cd670fa9c95c4e_L

سبەى ڕێگای هەولێر- سلێمانی لە سماقوڵی دەكرێتەوە

بڕیارە لەسەرەتای ئەم هەفتەیەدا ڕێگەی سلێمانی- هەولێر بەڕووی هاتوچۆی شۆفێراندا بكرێتەوە كەلە ئێستادا بەهۆی نۆژەنكردنەوەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *