پەروەردە
پەروەردە

راگەیاندنی ئەنجامی تاقیکردنەوەکان دوادەکەوێت

باسک نێت-ھەولێر

وەزارەتی پەروەردەی حکومەتی ھەرێم روونکردنەوە لەبارەی وادەی راگەیاندنی ئەنجامی تاقیکردنەوە نیشتمانیەکانی قۆناغی ١٢ی ئامادەیی و٩ی بنەڕەتی دەدات و وتەبێژی وەزارەتەکەش تەئیکددەکاتەوە ڕاگەیاندنی ئەنجامەکان بەراوورد بەساڵانی دیکە دوادەکەوێت و ھۆکارەکەی ئاشکرادەکات.

سامان سیوەیلی وتەبێژی وەزارەتی پەروەردەی حکومەتی ھەرێمی کوردستان رایگەیاند:”بۆ تاقیکردنەوە نیشتمانیەکانی ئەمساڵ چەند بابەتێک دەکەوێتە دوای جەژنی رەمەزانەوە و کە مەبەستمان لەدانانی ئەو خشتەی تاقیکردنەوەیەک وەک قەرەبوویەک بووە بۆ خوێندکارانی پارێزگاکانی سلێمانی و ھەڵەبجە، کەپێشتر بەھۆی بایکۆتی ھۆڵەکانی خوێندن و گۆڕانکاری لەکاتی دەوامیاندا کەمتر ماوەیان پێدراوە”.

ئاشکراشیکرد:”ھەر کاتێک تاقیکردنەوە نیشتمانیەکانی ھەردوو قۆناغی ١٢ی ئامادەیی و ٩ی بنەڕەتی کۆتایی ھات زۆرئاسان لەلایەن ئامێرەکانەوە کاری پەراوەی دەفتەری تاقیکردنەوەکان”ێحکردنی دەفتەرەکان”بەکۆتا دەھێنرێت”.

وتیشی:”ئەو ماوەی ١٠ رۆژە دراوەتەوە خوێندکاران وەک پشوو بەدڵنیایەوە کاریگەری دەبێت لەسەر راگەیاندنی ئەنجامی تاقیکردنەوەکان، چونکە تاوەکو تاقیکردنەوەکان بەکۆتا نایەت و ناتوانن کار لەسەر راگەیاندنی ئەنجامەکان بکەن، ھەرچەندە ساڵانی دیکە ئەو پرۆسەیە زووتر بەکۆتا دەھات”.

بەپێی خشتەی تاقیکردنەوە نیشتمانیەکانی قۆناغی ١٢ی ئامادەیی و ٩ی بنەڕەتی چەند بابەتێکی ئەو دوو قۆناغە دەکەوێتە دوای جەژنی رەمەزانی پیرۆزەوە، کە دەگاتە مانگی تەمموز لەکاتێکدا ساڵانە ئەنجامی تاقیکردنەوە نیشتمانییەکان لەسەرەتای مانگی تەمموزدا رادەگەیەندرا.

بابەتی دواتر

FB_IMG_1502981068644

شاندێکی بزووتنەوەی ئیسلامی سەردانی ئەنجومەنی سەرکردایەتی پارتی دیموکراتی کوردستان لە سلێمانی دەکات

باسک نێت-سلێمانی سەرلە بەیانی ئەمرۆ١٧ / ٨ / ٢٠١٧ شاندێکی بزووتنەوەی ئیسلامی کە پێکھاتبوون لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *