Hadi al-Amiri

ھادی عامری:ریفراندۆم دوابخەن

باسک نێت:

ھادی عامری ئەمینداری گشتی رێکخراوی بەدر، داوا دەکات کورد لە بڕیاری ئەنجامدانی ریفراندۆم پاشگەز ببێتەوە تا نەبێتە ھۆی جیابوونەوەی زیاتر و کاتەکە بە نەگونجاو ناو دەبات”.

ئەمینداری گشتی رێکخراوی بەدر، ئەمڕۆ لە شاری بەسرەی باشووری عێراق، لە میانی بەشداریکردنی لە ئاھەنگەکانی سەرکەوتنی ھێزەکانی عێراق بەسەر چەکدارانی داعشدا لە شاری مووسڵ قسەیکردووەو گوتوویەتی “کاتی ئەوەیە بەرەو ناوچەکانی تەلەعفەر و رۆژئاوای کەرکووک و رۆژئاوای ئەنبار بڕۆن و خۆمان بگەیەنینە سنووری عێراق و سووریا و لە دەست داعشی رزگار بکەین. ھەروەھا پلانێکی ئەمنیی تۆکمە بە پاڵپشتی ھەواڵگریی بۆ ئەو ناوچانە دابنرێت کە داعشیان لێ دەرکراوە، تا جارێکی دیکە نەتوانن بگەڕێنەوە”.

ھادی عامری لە قسەکانیدا داوای کاراکردنی یاسای حەشدی شەعبی کردووە و گوتوویەتی ” پێویستە یاساکە کارابکرێت و حەشدی شەعبی رێکبخرێت و بۆ رووبەڕوو بوونەوەی مەترسییەکان پڕچەک بکرێن. ھەروەھا چەک لە ناو شارەکان دوور بخرێتەوەو شکۆ بۆ دەوڵەت بگەڕێنرێتەوە”.

عامری داوای لە سیاسییەکانی عێراقیش کردووە تا “بەشدارییەکی پۆزەتیڤ لە تێپەڕاندنی لەمپەرەکانی بەردەم پرۆسەی سیاسیدا بکەن و دژی پەراوێزخستنی گرووپێکی ئیتنی یان مەزھەبی دیاریکراو بووەستنەوە و رێگە نەدەن پەراوێز بخرێن”.

بابەتی دواتر

FB_IMG_1502981068644

شاندێکی بزووتنەوەی ئیسلامی سەردانی ئەنجومەنی سەرکردایەتی پارتی دیموکراتی کوردستان لە سلێمانی دەکات

باسک نێت-سلێمانی سەرلە بەیانی ئەمرۆ١٧ / ٨ / ٢٠١٧ شاندێکی بزووتنەوەی ئیسلامی کە پێکھاتبوون لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *