guam

جەنگی جیهانی سێهەم لەم ناوچەیەوە دەست پێدەكات

سەعد مەلا عەبدوڵڵا گوڵپی

جەزیرەیەكی بچوك كە پانتاییەكەی تەنها 549 كیلۆمەترە و نزیكەی 170 هەزار كەس تیایدا نیشتەجێن، ئەگەری هەیە جەنگی جیهانی سێهەم لەوێوە سەرهەڵ بدات و بە تەواوەتی وێران ببێت.

ئاژانسی (برنا) بڵاویكردەوە، جەزیرەی (گوام) لە ئۆقیانوسی ئارامە و یەكێكە لە گرنگترین پێگە دەریایی و ئاسمانییەكانی ئەمریكا، ئەم جەزیرە بچوكە چەند دەیەیەك لەمەوپێش كێشەیەكی گەورەی لەنێوان ئەمریكاو روسیاو كۆریای باكور دروست كردووە‌و لە ئێستادا و بەهۆی زۆربوونی كێشەكانی نێوان ئەمریكاو كۆریای باكور، پیونگ یانگ لەبەرانبەر لێدوانە توندەكانی ترامپ لە دژی وڵاتەكەیان هۆشدار وێرانكردنی جەزیرەی گوام دەدەنە ئەمریكا.

كەناڵی (NBC)ئەمریكی راپۆرتێكی لەسەر ئەم جەزیرەیەو گۆڕانكارییەكانی ئەم ناوچەیە لەبەرانبەر جیهانی دەرەوە بڵاوكردەوەو رونیكردەوە، ئەم جەزیرە دەكەوێتە رۆژئاوای كەناراوەكانی ئۆقانوسی ئارام‌و پانتایەكەی هێندەی ویلایەتی شیكاگۆ دەبێت.

ئاماژەی بۆ ئەوەش كردووە، گوام نزیكتری شوێنە كە كۆریای باكورو ئەمریكا بەیەكەوە دەبەستێتەوە و دووری ئەم جەزیرەیە لەگڵ كۆریای باكور نزیكەی 3 هەزار كیلۆمەترە‌و لەژێر كۆنتڕۆڵی هێزەكانی ئەمریكادایە، ئەمریكا بۆ بەرگری لە هێزەكانی خۆی لەبەرانبەر كۆریا هێزێكی گەورەی جێگیر كردووە.

گوام جزیرەیەك ئەگەرچی بە بەشێك لە خاكی ئەمریكا هەژمار ناكرێت، بەڵام لە ساڵی 1898 لەژێر كۆنترۆڵی ئەمریكادا بووەو پێشتریش لەژێر دەسەڵاتی ئیسپانیادا بووە.

ئەم جەزیرەیە بەرپرس و یاسای تایبەت بە خۆی هەیە‌و نوێنەریان لە پەرلەمانی ئەمریكادا هەیە بەبێ ئەوەی بەشداری هەڵبژاردنەكان بكەن و هاووڵاتیانی ئەم جەزیەرەیەش بەشداری هەڵبژاردنەكانی ئەمریكا ناكەن، ئەمەش لەكاتێكدایە بە هاووڵاتی ئەمریكی لەقەڵەم دەدرێن و ناسنامەی ئەمریكیان هەیە.

دانیشتوانی ئەم جەزیرەیە چەندین جار نیگەرانی خۆیان لەبەرانبەر بوونی ئەمریكا و هێزەكانی راگەیاندووە.

لەبەرانبەر ئەو هەڕەشانەی كۆریای باكور لەم جەزیرەی كردووە، وتەبێژی دەستەی پەرلەمانی گوام بە ئاژانسی (ئەسوشەیتد پرێس)ی راگەیاندووە، ئەمریكا خوازیارە لە ئەگەری هێرشەكانی كۆریای باكور بۆ سەر ئەمریكا ئەم جەزیرە بتوانێت بەرگری لە خۆی بكات.

ئادی كالفو حاكمی جەزیرەی گوام لە گرتەیەكی ڤیدیۆییدا كە بۆ دانیشتوانی جەزیرەكەی بڵاوكردەوە، دەڵێت، دڵنیایی دەدەین ئامادەكاری هەر جۆرە جموجوڵێكی نائاساییمان هەیە.

 

خەڵك

بابەتی دواتر

FB_IMG_1506368114420

ڕابەری گشتی بزووتنەوەی ئیسلامی دەنگی بۆ سەربەخۆیی ھەرێمی کوردستان دا

باسک نێت-ھەولێر سەر لەبەیانی ئەمڕۆ دوو شەممە ٢٥ـی ئەیلولی ٢٠١٧، ڕابەری گشتی بزووتنەوەی ئیسلامی دەنگی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *