daash

ژمارەی چەكدارەكانی داعش لە حەویجە ئاشكراكران

بەپێی زانیارییەكان نزیكەی 2000 چەكداری داعش و زیاتر لە 60 هەزار هاووڵاتی سڤیل لە شاری حەویجە گەمارۆدراون.

عەلی ئەكرەم سەرۆكی دامەزراوەی توركمان بە رۆژنامەی (قودسی عەرەبی) راگەیاند، بەپێی زانیارییەكانی ئێمە، كۆنتڕۆڵكردنەوەی حەویجە وەك تەلەعفەر ئاسان نابێت و داعشەكان بەرگری توند دەكەن.

وتیشی، نزیكەی 2000 چەكداری داعش لەو شارە ماونەتەوەو بەهۆی ئەوەش كە كۆتا ناوچەی چەكدارانی داعشە لە عێراق ئەوان تا كۆتایی بەرگری دەكەن.

ئاماژەی بۆ ئەوەشكرد، كۆنتڕۆڵكردنەوەی حەویجە پێویستی بە توانای زۆر هەیە، چونكە ئەم شارە سنوری نێوان هەرسێ پارێزگای كەركوك ‌و سەلاحەدین ‌و نەینەوایە و بە گەورەترین پەناگەی تیرۆریستان هەژمار دەكرێت لە ساڵی 2004ەوە.

رونیشیكردەوە، حكومەتی عێراقی دڵنیایی دەدات لە پارێزگاریكردن لەو 60 هەزار هاووڵاتییە سڤیلەی لە حەویجە دا ماونەتەوە.

بابەتی دواتر

23972394_1513532388728280_1244619242_n

پیاوی پێشبینیەكان یان هەواڵگری

ئەم هەموو “نوستراداموس″ە چییە لە ولاتی ئێمە هەمووی نوقلانەی شەڕو كوشتن و بڕین كۆتایی دونیامان …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *