70344cf0aedfc01d1b3d49fe4b8c1025_L

بۆیەکەم جار لەسەنغافورە ئافرەتێکی موسڵمانی باڵاپۆش بووە سەرۆک کۆمار

ئاژانسەکانى هەواڵ بڵاویان کردەوە ئەمڕۆ چوار شەممە ووڵاتى سەنغافورە (حلیمە یعقوب)ى وەک سەرۆکى نوێى ووڵات هەڵبژاردووە کە ئافرەتێکى باڵاپۆشى موسڵمانە، ئەمەش  دەبێتە یەکەم ژنە سەرۆک لەو ووڵاتەدا .

بەرپرسى یەکەمى هەڵبژاردنەکان لە ووڵاتى سەنغفورە رایگەیاند کە (حلیمە یعقوب) تاکە پاڵێوراوى بێ رکابەر بووە بۆ پۆستى سەرۆکى ووڵات .

بەهۆى جۆراوجۆرى نەتەوەو کلتورە جیاوازەکان لە ووڵاتدا پۆستى سەرۆکى ووڵات لە سەنغافورە هەر خولێک بە کەمایەتییەک دەدرێت، ئەمجارە بڕیار دراوە کە ئەو پۆستە بە کەمایەتییەکانى (مەلایۆ)بدرێت، حەلیمە یعقوبیش بەهۆى ئەزموونى سەرکەتوویەوە بە شایانترین کەسایەتى دانرا بۆ ئەو پۆستە.. سەرۆکى نوێى ووڵاتیش لە یەکەم ووتەیدا رایگەیاند (من سەرۆکى هەمووانم) .

بەپێى دەستورى ووڵات دەبوایە هاوڵاتیان لە ٢٣ى ئەم مانگەدا دەنگدانیان بکرایە بۆ هەڵبژاردنى سەرۆکى ووڵات بەڵام بەهۆى تەنها یەک پاڵێوراوەوە کۆمسیۆنى هەلبژاردنەکانى ووڵات سەرکەوتنى سەرۆک و هەڵوەشاندنەوەى هەڵژاردنى راگەیاند چونکە پاڵێوراوەکانى تر مەرجەکانیان بۆ پۆستەکە تێدا نەبوو .

جێى ئاماژەیە کە (حەلیمە یەعقوب)ى باڵاپۆش تەمەن (٦٣)ساڵ پێشتر سەرۆکى پەرلەمانى سەنغافورە بووە لە ساڵى ٢٠١٣ تا ٢٠١٧ و وەک کەسایەییەکى سەرکەوتوو ناسراوە، بۆیەش کاندید کرا بۆ سەرۆکى ووڵات و دەبێتە یەکەم سەرۆکى ئافرەتى ئەو ووڵاتە..

بابەتی دواتر

23972394_1513532388728280_1244619242_n

پیاوی پێشبینیەكان یان هەواڵگری

ئەم هەموو “نوستراداموس″ە چییە لە ولاتی ئێمە هەمووی نوقلانەی شەڕو كوشتن و بڕین كۆتایی دونیامان …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *