547567576567

90% هاووڵاتیانی كەتەلۆنیا دەنگیان بۆ سەربەخۆی دا

وتەبێژی هەرێمی كەتەلۆنیا ئەنجامی ریفراندۆمەكەی دوێنێی هەرێمەكەی ئاشكرا كردو رایگەیاند، نزیكەی 90%ی بەشداربووانی ریفراندۆمەكە دەنگیان بە جیابوونەوە لە ئیسپانیا داوە.

رۆژنامەی (گاردیان) بڵاویكردەوە، خوردی تورول وتەبێژی هەرێمی كەتەلۆنیا ئەمڕۆ دووشەمە رایگەیاند، 2.26 ملیۆن هاووڵاتی كەتەلۆنیا توانیان لە ریفراندۆمی هەرێمەكەیان بەشداری بكەن و 90%ی ئەو رێژەیەش دەنگیان بۆ جیابوونەوە داوە.

وتیشی، نزیكەی 8% بەشداربووانی ریفراندۆمەكە بە نەخێر دەنگیان داوەو ئەوەشی ماوەتەوە پوچەڵ كراوەتەوە.

ئاماژەی بۆ ئەوەش كرد، نزیكەی 15 هەزار دەنگی ماوەتەوەو لە ئێستادا خەریكی هەژماركردنی ئەو دەنگانەین.

بەرپرسانی باڵای هەرێمی كەتەلۆنیا ئاشكرایانكرد، 42%ی هاووڵاتیان بەشداری ریفراندۆمیان كردووە، ئەمەش لەكاتێكدیە كە وتەبێژی كەتەلۆنیا رایگەیاند، 770 هەزار دەنگ بەهۆی نائارامی ناوچەكە نەگەیشتوەتە دەستمان.

كارلوس پوگدامون سەرۆكی هەرێمی كەتەلۆنیا لە لاپەڕەی خۆی لە تویتەر پێشوازی لە ئەنجامەكان كرد، ئەمەش لەكاتێكدایە ناوبراو پێشتر ئاماژەی بۆ ئەو كردبوو كە هاووڵاتیانی كەتەلۆنیا مافی دەوڵەتێكی سەربەخۆیان هەیە.

بابەتی دواتر

AL_NAJAF_AL_ASHRAF_INT.AIRPORT_-_panoramio

شەفەق نیوز بڵاویكردەوە، كۆمپانیای فڕۆكەوانی پادشای ئەردەنی لە بڕیارێكدا بەهۆی پەرەسەندنی خۆپیشاندانەكانی باشووری عێراق و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *