989888

ئێران سوپای ئەمریكا لە سەرتاسەری جیهان بە داعش پێناسە دەكات

 

فەرماندەی گشتی سوپای پاسدارانی ئێران لە كۆبوونەوەی ئەنجومەنی ستراتیژی سوپا هەڕەشەی سەربازی لە ئەمریكا دەكات.

ئاژانسی (ئیسنا)ی ئێرانی بڵاویكردەوە، محەمەد عەلی جەعفەری فەرماندەی گشتی سوپای پاسدارانی ئێران رایگەیاند، لە ئەگەری جێبەجێ بوونی یاسای گەماڕۆ نوێكانی ئەمریكا لە دژی ئێران، دەبێت واشنتۆن بنكە سەربازییەكانی خۆی لە ناوچەكە بۆ ۲ هەزار كیلۆمەتر دوورتر لە مووشەكەكانی ئێران لەسەر سنوورەكان بگوازێتەوە.

وتیشی، ئەگەر ئەم هەواڵە دروست بێت كە ئەمریكا سوپای پاسداران دەخاتە ڕێزی گرووپە تیرۆریستەكان، سوپای پاسدارانی ئێرانیش سوپای ئەمریكا لە سەرتاسەری جیهان بە تایبەت ناوچەی ڕۆژهەڵاتی ناوەڕاست بەرانبەر بە داعش پێناسە دەكات.

جەعفەری رونیشیكردەوە، ئەگەر ئەمریكا ئەم كارانە بۆ ئەوە دەكات تاكو ئێران سەبارەت بە بابەتەكانی ناوچەكە دانوستان لەگەڵ واشنتۆن ئەنجام بدات، بە تەواوی ڕێگەیەكی هەڵەی لەبەرگرتووە، ئێران لە دوای ئەوەیە كە بابەتەكانی ناوچەكە لە جێگەیەكی دیكە، جیا لە مێزی دانوستان چاسەر بكات، نە قسەیەك بۆ دانوستان ماوە نە لایەنێك بۆ دانیشتن.

رونیشیكردەوە، گەمارۆ نوێكان دەرفەتی هەرجۆرە لێكتێگەیشتنێك لە نێوان هەر دوولا بە تەواوی لە كیس دەدات.

وتیشی “گفتوگۆ بۆ ئەمریكا تەنیا بۆ مەبەستی گوشاری زیاترە نەك لێكتێگەیشتن و چارەسەر كردنی بابەتەكە”.

 

بابەتی دواتر

5675675675

پەرلەمان دەنگدانی بۆ كاندیدانی كۆمسیۆنی هەڵبژاردنەكان كرد

  ئەمڕۆ دوو شەممە، ئەنجومەنی نوێنەرانی عێراق 9 كاندیدی بۆ ئەندامانی نوێی كۆمسیۆنی باڵای سەربەخۆی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *