66666554

نوێترین زانیاری لەسەر ئەبوبەكر بەغدادی سەركردەی چەكدارانی داعش

هەندێك سەرچاوەی عێراقی ئاماژە بۆ ئەوە دەكەن، سەركردەی گروپی چەكدارانی داعش شەوی هەینی رابردوو لە عێراقەوە بەرەو سوریا رۆیشتوە.

ئاژانسی ئیسنای ئێرانی بەپێی زانیاری ژمارەیەك سەرچاوەی عێراقی لە شاری ئەنبارەوە بڵاویكردەوە، ئەبوبەكر بەغدادی سەركردەی گروپی چەكداری داعش بە تەكسییەكی رەنگ زەرد لە شارۆچكەی راوە لە عێراقەوە بەرەو زەوییەكانی سوریا رۆیشتووە.

بەوتەی ئەو سەرچاوانە، بەغدادی دوای ئەوەی هێزەكانی عێراق رۆیشتونەتە نێو شاری قائیمەوە، لەوە تێگەیشتووە چیتر مانەوەی لەو شارە مەترسی لەسەر ژیانی دروست دەكات.

ئاماژە بۆ ئەوەش دەكەن، بەغدادی لە شاری قائیم داوای لە چەكدارەكانی داعش كردووە، درێژە بە شەڕكردن بدەن، بەڵام هەندێك لەو چەكدارانە هەڵهاتوون‌و هەندێكیشان بە ئۆتۆمبێلەكانی خۆیان بەرەو سوریا هەڵهاتوون.

سەرچاوەیەكیش كە نەیویست ناوی ئاشكرا بكرێت رایگەیاند، بەغدادی بە تەكسییەكی زەردەوە بەرەو سوریا هەڵهاتووە و ئەگەری هەیە لە دیرالزور بێت.

وتیشی، سەركردەی داعش سوور بوو لەسەر ئەوەی بەو تەكسییە زەردە بڕوات تاكو كەس گومانی لێی نەبێت.

ئەمەش لەكاتێكدایە حەیدەر عەبادی سەرۆك وەزیرانی عێراق دوێنێ یەكشەمە ئاڵای عێراقی لە شاری قائیم هەڵكرد، كە چەند رۆژێك لەوەوپێش لەچەكدارانی داعش سەندرایەوە.

بابەتی دواتر

42096564_894433327613077_402992022559916032_n

ڕابە‌ری گشتی بۆ TRT: ئە‌و مە‌ترسیانە‌ی خستە‌ ڕوو كە‌ دووجە‌مسە‌ری ھێز دە‌ست شكاندنە‌وە‌ی لە‌ سە‌ر دە‌كە‌ن

بە‌ڕێز ڕابە‌ری گشتی مامۆستاعیرفان علی عبدالعزیز لە‌ دیدارێكی كە‌ناڵی TRT لە‌ نوسینگە‌ی تایبە‌تی بە‌ڕێزی لە‌ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *