76868678

ئەمساڵ ئەمریكا بە بەهای 49 ملیار دۆلار چەكی بەم وڵاتانە فرۆشتووە

دوای دەستبەكاربوونی وەك سەرۆك كۆماری ئەمریكا، دۆناڵد ترامپ بە بەھای نزیكەی ٤٩ ملیار دۆلار چەكی فرۆشتووە.

بەپێی ئەو زانیارییانەی لە راگەیەندراوەكانی رێككەوتنی سەربازیی لە لایەن كۆنگرێسەوە بڵاوكراونەتەوە، دۆناڵد ترامپ سەرۆك كۆماری ئەمریكا یەكێكە لەو سەرۆكانەی كە لە ماوەی حوكمڕانیدا زۆرترین چەكی فرۆشتووە بەراورد بە سەرۆكەكانی پێشووتری ئەمریكا.

بەپێی زانیارییەكان، لە ماوەی كانوونی دووەم، تاكو تشرینی دووەمی ٢٠١٧، ئیدارەی ترامپ بە بەھای نزیكەی ٤٩ ملیار دۆلار چەك، تەقەمەنی و پێداویستی سەربازیی بە چەندین وڵات فرۆشتووە كە ئەم رێژەیە گەورەترین ئاستە كە ئەمریكا لە ساڵانەی دواییدا تۆماری كردبێت، بە بەراور بە ساڵی رابردوو تەنها بە بەهای 33 ملیار دۆلار چەكی بە دەرەوە فڕۆشتووە.

ئەمریكا بەرزترین ئاستی فرۆشتنی چەكی لەگەڵ كەنەدا واژوو كردووە بە بەھای ٥.٢ ملیار دۆلار، هەروەها وڵاتی بەحرێن بە پلەی دووەم دێت بە بەھای ٣.٩ ملیار دۆلارو دواتر وڵاتی سعوودیە دێت بە بەھای ٣.٦ ملیار دۆلار.

بەریتانیاش بە پلەی چوارەم دێت كە بە بەھای ٣ ملیار و ٤٥ ملیۆن دۆلار چەكی لە ئیدارەی ترەمپ كڕیوە. دوای ئەویش وڵاتی ئیمارات دێتو دوای ئیماراتیش وڵاتی تایوان و ئیسرائیلیش بە بەھای نزیكەی ملیارێك چەكیان لە ئەمریكا كڕیوە.

پێشبینیش دەكرێت ئەمساڵ ئەمریكا بە بەھای ٥٠ ملیار دۆلار چەك بفرۆشێت و ئەمەش ئەوە دەردەخات كە ئیدارەی ترامپ بە بەراورد لەگەڵ ئیدارەكانی پێشوو پەرۆشترە بۆ رێككەوتنی فرۆشتنی چەك.

بابەتی دواتر

AL_NAJAF_AL_ASHRAF_INT.AIRPORT_-_panoramio

شەفەق نیوز بڵاویكردەوە، كۆمپانیای فڕۆكەوانی پادشای ئەردەنی لە بڕیارێكدا بەهۆی پەرەسەندنی خۆپیشاندانەكانی باشووری عێراق و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *