567567567

محەمەد ئەمین پێنجوێنی جێبەجێكردنی پلانێكی هەرێمی ئاشكرا دەكات

بارودۆخی رۆژهەڵاتی ناوەڕاست بەرەو ئایندەیەی نادیار هەنگاو دەنێت و خەریكە شەڕێك بەرۆكی ناوچەكە بگرێت، بەشێوەیەك توركیا دەیەوێت هێرش بكاتەسەر هەرێمی عیفرین و پەكەكە، پێتان وایە جێبەجێكردنی ئەم پلانە خواستی توركیایە یاخود خواستێكی نێودەوڵەتیشی لەسەرە، د.حەمەئەمین پێنجوێنی سیاسەتمەداری كورد لە چاوپێكەوتنێكیدا پێیوایە، رۆژهەڵاتی ناوەڕاست رەوشێكی سیاسی ئاڵۆزی تێدا دروست بووە، ئەوەش لە ئەنجامی ئەو گۆڕانكارییانەی كە لە رۆژهەڵاتی ناوەڕاست و بەتایبەت لە وڵاتانی عەرەبی كە بە بەهاری عەرەبی ناوبانگی دەركرد، ئەمەش كاریگەری هەبووە لەسەر ئەو وڵاتانەی كە ئێمەی كوردی تێداین‌و كاریگەریەكی راستەوخۆی كردوەتەسەر ناوچەكەو بەتایبەتی عێراق و سوریاو ئێران‌و توركیاو ئاڵۆزییەكان ئێستاش بەردەوامە.

ئەو سیاسەتمەدارە پێی وایە ئەو گەلەكۆمەكیەی ئەو چوار وڵاتە لە دژی كورد ئەنجامی دەدەن زیندووكردنەوەی پەیمانێكی رابردووەو ئێستا دەیانەێ كورد لە هەمو داواكارییەكانی پاشگەز بكەنەوە، د.حەمە ئەمین پێنجوێنی پێیوایە گۆڕانكاری لە ناوچەكە روودەدات، دەڵێت، وەك بینیمان گۆڕانكارییەكی چاوەڕوانەكراو بوو كە لە كوردستان و عێراق روویدا و هێزی عێراق هاتنە سەر ناوچە دابڕینراوەكانی كوردستان، ئەمەش ئەنجامی ئەو پەیمانە نوێیەیە كە ناوم ناوە زیندوكردنەوەی پەیمانی “سەعد ئاباد” یان “قەسری شیرین” كە لە رابردوودا دژی جوڵانەوەی كورد لەم چوار وڵاتەی پەیمانەكەیان واژوو كردبوو.

ئوز سیاسەتمەدارە ئاماژە بۆ ئەوەش دەكات، ساڵێك زیاترە ئەو چوار وڵاتە كۆدەبنەوەو لەسەر ئاستی سیاسی و سەربازی و هەواڵگری و ئابووری، هەمووشیان بۆ ئاڵوگۆڕی بیروباوەری خۆیان و پلاندانان دژی دۆخی كوردە لە ناوچەكە، چۆن بابەتی كورد كەم بكەنەوەو چۆن گەمارۆی بدەن و چۆن وا لە كورد بكەن كە باسی سەربەخۆی و دەوڵەتی كوردی نەكات.

سەبارەت بە دەستپێكردنی شەڕكەی رۆژهەڵاتی ناوەڕاست و چەقی شەڕەكە پێنجوێنی ئاشكرایدەكات، لە كوردستانی باشوور شەڕەكە دەستی پێكردو نیوەی خاكی كوردستان كە بەدەست كوردەوە بوو كەوتووە دەست حكومەتی عێراق و هێرشی توركیاش بۆ سەر رۆژئاوای كوردستان.

وتیشی، ئەم وڵاتانە لەسەر ئەو پەیمانە كاردەكەن، پەیمانێكە لە سێ خاڵ پێكهاتووە
یەكەم، كوردستانی عێراقەو هێرشە بۆسەر باشووری كوردستان و حكومەتی هەرێم، ئەوەش سێ رەهەندی هەیە، یەكەم ئەو هێرشە بوو كە بینیمان و نیوەی زەوی كوردستان داگیر كرا، دووەم هەوڵ بدرێت دوو ئیدارەیی دروست بكرێتەوە، سێهەم هەوڵ بدرێت هەموو سەرچاوە داراییەكان لە هەرێمی كوردستان داببڕدرێت بۆ ئەوەی بە هەموو مەرجەكانی حكومەتی عێراق ناچار بین.

سەبارەت بە بەشی دووەمی پلانی ئەو وڵاتە داگیركەرانەی ناوچەكە دژی كورد ئەو سیاسەتمەدار رایگەیاند، خاڵی دووەم لە پلانەكەیان ئەوەیە كە نابێت كورد بگاتە سەر ئاو و دەریای ناوەڕاست، نابێت كانتۆنەكان یەك بگرن و هەوڵ بدرێت شەڕێكی كورد و كورد لە رۆژئاوا دروست بكرێت، بەشی سێهەمی پلانەكەش بریتییە لەوەی هێرشێكی سەربازیی بۆسەر ئەو شوێنانەی كە گومانیان هەیە هێزی پەكەكەو پژاكی لێبێت دەست ئەنجام بدرێت، ئەمەیان بە كراوەیی ماوەتەوەو جێبەجێ نەكراوە.
ناوبراو زۆر بە توندی دژی سیاسەتی سیاەتمەداران و لاینەكانی هەرێمی كوردستان بەتایبەت وەستایەوە كە تا ئێتا نەیانتوانیوە بەرەنگاری پلانی ئەو وڵاتانە ببنەوە، لەوبارەوە د.حەمە ئەمین پێنجوێنی رایگەیاند، ئەوەی جێی داخی شەقامی كوردە ئەوەیە كە ئەو چوار وڵاتە و بەتایبەت سیاسیان ساڵێكە سەرقاڵی ئەم پلانەن، بەڵام هێزی سیاسی كورد بیری لەوە نەكردوەتەو كە چۆن بەرەنگاری ئەمە بوەستێ و چۆن تەنازول بۆ یەكتر بكەن، لانی كەم سیاسەتێكی نەتەوەی كوردی پەیڕەو بكەن بەرانبەر بەو پلانەی دژی كورد دەكرێت لە رۆژهەڵاتی ناوەڕاست.

پێنجوێنی پێی وایە وڵاتە زلهێزەكان نایانەوێ ئەو پلانە سەر بگرێت چونكە بەرژەوەندی ئەوان لەوەدا یەك ناگرێتەوەو تامەحیان لە سەربەخۆیی كوردستاندا هەیە، ئە سیاسەتمەدار ئاماژە بۆ ئەوەش دەكات، بەرانبەر بەم پلانە سێ قۆڵی‌و چوار قۆڵییە، دەوڵەتە گەورەكان بوونیان هەیە، روسیا نایەوێت بەم شێوەیە پلانەكە جێبەجێ بكرێت، ئەمریكاش بەهەمان شێوە، لەوانەیە نەیانەوێ دۆزی كورد بچێتەوە ژێر ركێف و سیاسەتی ئەم سێ دەوڵەتە داگیركەرەی كوردستان‌و ئەوانیش پلانی خۆیان هەیە.

هۆشداری ئەوەش دەدات لەوانەیە ئێران و تورگیا پارچە پارچە ببن و هەرێمی كوردستانیش سەربەخۆیی وەربگرێت، د.حەمە ئەمین پێنجوێنی پێی وایە، ئەوەی لە ئاسۆوە دیارە گۆڕانكاری گەورە روودەدات، ئەگەری هەیە ئەم پلانە سەری ئەم وڵاتانە بخوات و ببێتە هۆی پارچە پارچە بوونی ئێران‌و توركیاو وڵاتەكانیتر، لەوانەیە بێتە هۆی ئەوەی كوردستانی باشوور بە تەواوی لەدەست كۆنتڕۆڵی حكومەتی عێراق دەرچێت، بەڵام بۆ هەموو ئەو ئەگەرا عەقڵی سیاسی كورد خۆی ئامادە نەكردووە.

سەبارەت بەوەی تا چەند دەگونجێت لەكاتی ئامادەبوونی ئەمریكاو روسیا و وڵاتە زلهێ.ەكانیتر لە ناوچەكە پلانی وڵاتانی هەرێمی جێبەجێ بكرێت، ئەو سیاسەتمەدارە پێی وایە، دەوڵەتە گەورەكان لەناوچەكەدا بوونیان هەیە، پلان و پرۆگرامیان هەیە، بەرژەوەندی خۆیان پێش هەموو شتێكە هەركامێكیان بەرژەوەندی تێدا بێت لە جێبەجێكردنی یان جێبەجێنەكردنی ئەم پلانانەدا ئەوە دەكەن، جێبەجێكردنی ئەم پلانانە لە بەرژەوەندی ئەمریكا نییە، چونكە ئەگەر ئەمریكا كوردی رۆژئاواو باشووری لەدەست بچێت، ئیتر لە رۆژهەڵاتی ناوەڕاست نە دۆستیان هەیەو نە جێ پێشیان هەیە، هەروەها روسیا پاش تێكچوونی یەكێتی سۆڤیەت ئێستا خۆیان گرتوەتەوەو گەیشتونەتە ئەو حاڵەتەی پێشوو دەیانەوێ بێنەوە ناوچەكەو تەماحیان لە سامانی ژێر زەوی هەیە و ئەوانیش نایانەوێ بڕۆن و بەشی خۆیان ببەن، لەبەرئەوە باوەڕ ناكەم ئەو پلانە سێ قۆڵی و چوار قۆڵییەی وڵاتانی داگیركەری كوردستان سەر بگرێت.

ناوبراو پێشی وایە، ئەم هێزە سیاسیەنەی كوردستان كە ئێستا لەسەر شانۆی سیاسی كوردستان كار دەكەن، ئەگەر لەسەر یەك پرۆگرامی نیشتمانی و نەتەوەیی و دیموكراتی رێكبكەون ئەو كارەساتەی هات بەسەرماندا رووی نەدەدات و ئەشگونجێت لە ئێستاوە لەسەر یەك پڕۆگرام رێكبكەون‌و دەكرێت لەماوەی چەند ساڵێكی كەمدا بچینەوە دۆخی جاران و پێش ئەو دۆخەی كە

 

خەڵك

بابەتی دواتر

kobunawa1

توركمانەكانی كەركوك شەڕ لەسەر پۆستی سەرۆكی ئەنجومەن دەكەن

وتەبێژی حەشدی توركمانی ئاشكرایدەكات، ئێمە وەكو كوتلەی توركمانی داوای پارێزگاری كەركوك دەكەین. عەلی حوسێنی وتەبێژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *