657658678

روسیا هەڵوێستی خۆی لەسەر كێشە ناوەكییەكانی كۆریای باكور راگەیاند

جێگری وەزیری دەرەوەی روسیا ئاشكرایكرد، ڕوسیا كەناڵی پەیوەندیی كراوەی هەیە لەگەڵ كۆریای باكوور و هەربۆیە مۆسكۆ ئامادەیە دەسەڵاتەكانی بەسەر پیۆنگ یانگدا بەكاربهێنێت.

ئاژانسی رۆیتەرز بڵاویكردەوە، ئیگۆر مۆرگۆلۆڤەوە جێگری وەزیری دەرەوەی روسیا رایگەیاند، كۆریای باكوور هەوڵدەدات گفتوگۆیەكی ڕاستەوخۆ لەگەڵ ئەمەریكادا ئەنجام بدات سەبارەت بە بەرنامە ناوەكییەكەی، ئەمەش لەكاتێكدایە كە پێویستی بەوە هەیە لەلایەن چین و روسیا گرەنتی پارێزراوی هەبێت.

وتیشی، توندكرنەوەی سزاكانی سەر كۆریای باكوور دەبێتەهۆی دروستبوونی قەیرانی مرۆیی لە وڵاتەكەداو چارەسەری بابەتەكە ناكات.

ئاماژەی بۆ ئەوەش كرد، پێم وانیە زیادكردنی سزاكان بەسەر كۆریای باكووردا ئەو ئەنجامە سیاسییانە بەدەست بخات كە دانراون.

ئەمەش لەكاتێدایە كاتینا ئادامز وتەبێژی وەزارەتی دەرەوەی ئەمەریكا لە واشنتۆنەوە بە رۆیتەرزی رایگەیاند، حكومەتەكەی ترامپ هێشتا پێی باشە بەشێوەیەكی ئاشتی‌و سیاسیی چارەسەری كێشەكانی لەگەڵ كۆریای باكوردا بكات.

وتیشی، كۆریای باكوور لەڕێی كارەكانیەوە پیشانی داوە هیچ گرنگی نادات بە ئەنجامدانی گفتوگۆ، دەبێت ئێمە گرنگی بدەین بە بەردەوام بوونمان لەسەر زیادكردنی فشارەكانی سەر پیۆنگ یانگ تاكو نەتوانێت پەرە بە بەرنامە ناوەكیی‌و موشەكییەكەی بدات.

 

بابەتی دواتر

kobunawa1

توركمانەكانی كەركوك شەڕ لەسەر پۆستی سەرۆكی ئەنجومەن دەكەن

وتەبێژی حەشدی توركمانی ئاشكرایدەكات، ئێمە وەكو كوتلەی توركمانی داوای پارێزگاری كەركوك دەكەین. عەلی حوسێنی وتەبێژی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *