1016778_486779041403625_1221301673_n

شەیتانی حكومەت!!

شۆڕش كەمال
من ناگەڕێمەوە بۆ ڕابردوی ئادەم و شەیتان و چیرۆكی كەسایەتی نەفرەتلێكراوی یان هەڵفریواندنی مرۆڤ و جەدەلی تواناو سنورەكانی شەیتان و زیرەكی لە دونیا لەكاتێكدا توانای سوڵتانی و سەڵتەنەی نییە بەسەر مرۆڤەكانەوە، ئەوە مرۆڤەكان خۆیانن هەڵبژاردن دەكەن و پەنجە بە مەرەكەبدا دەكەن نەوەك شەیتان.
ڕاستەوخۆ دەچمە نێو دونیای ماددە پەرستی مرۆڤ و شەیتانی و هەڵخەڵەتاندن .. دونیایەك پڕیەتی لە تاوان و كوشتن و بڕین و توندوتیژی دونیایەك مەملەكەتەكانی پڕیەتی لە حاكمی شەیتانی بێ شاخ و باڵ ، ئەم شەیتانانە ماڵیان لەدارستانی چڕو ئەشكەوتی كپ و شوێنی شێداری تاریك و نسرمی جۆگەو سەرسەنێرو ئاودەستەكان نییە، ئەم شەیتانانە مرۆڤن.
مرۆڤی ڕواڵەت جوان و چوارشانەو كەشخە- ئەنیق و پۆشتەن ڕیبات و قاتی ماركەیان لەبەرە، ماڵیان ڕوو لەخۆرە، لە شارە، پێی ئەڵێن: ڤێلا، ڤێلای گەورەو گرانیان هەیە، لای ئەوان زەوی بە مەترو دۆنم و شت نییە، تاچاوبڕكات بە گۆترەیە، بەنوێترین ئۆتۆمبێل و فڕۆكە گەشتەكەن، بزنز و سیاسەت پێكەوە گرێدەدەن، خاوەن دەوڵەتن لە هەڕەمی سەری سەرەوەی حكومەتن هەر خۆیان خاوەن مەملەكەتن.
هەموشتێك لەلای شەیتانی حكومەت بزنزە، بزنزی بێ ئەدەب و بێ مەبدەئی پڕ قۆرخكاری و تاڵانی، سیاسەتی مەملەكەتی شەیتان لە حكومەتێكی شەیتانی و زۆرزان تەنها لەسەر بنەمای(قازانج) بەڕێوە دەچێ جاچیەبێ باببێ.
مرۆڤ، گەل، لای ئەوان تەنها ڕانەمەڕن یان مانگای شیردەرن، رۆژانە باش باش دەیاندۆشن هەركاتیش پێویستبكات بۆ چێژوەرگرتن دەیانكوژن.. یان ئالیكیان پێنادەن یا هەرنایەڵن بلەوەڕن.. سەگیان بۆ بەپاس دەگرن تا هەركات بجوڵێنەوە لێیان بوەڕن، گازیانلێبگرن، بیانترسێنن، هەموو رۆژێك بەبیانوی گورگ باش باش ئەیان خەسێنن.

بابەتی دواتر

33745839_2010716382334094_1902423852156190720_n

بۆ بنبڕکردنی گەندەڵی و خه ڵكى دەسپاک دەنگبدە

بۆ بنبڕکردنی گەندەڵی و خه ڵكى دەسپاک دەنگبدە ن. سه رباز خوشناو ‎ئەوەی لە پێشە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *