24726926_1526712460743606_1942070265_n

تێكشكانی پڕۆژەی ڕۆژهەڵاتناسی لەدیدی ئەنوەر جوندی

شۆرش كەمال
ئەنوەر جوندی دەڵێت” ئەوەی وایلێكردم گرنگی بە نووسینەكانم بدەم دوو شتی زۆر گرنگ بوو، یەكەمیان ئەو كتێبەی كە پێنج لە ڕۆژهەڵاتناسەكان نووسیویانە دەربارەی ئیسلام بە سەرپەرشتی (هامتلون جەیب) كە زۆر ترسناكەو نەخشەیەكی ڕۆژهەڵاتناسەكانە بۆ ئیحتیواكردنی ئیسلام‌و لەقاڵبدانی دین لەچوارچێوەی عیبادەت‌و نوێژو بیروباوەڕداو جیاكردنەوەی لە كۆمەڵگەو ئابووری‌و سیاسەت تا پێشكەشی وڵاتانی ئیسلامی بكەن هەر لە مەغریبەوە تا ئەندۆنوسیا كە دواتر ئەم پلانەیان ناونا خوێندنەوەی ئیسلام.

 

هەر ئەمەش بوو وایلێكردم تا هەوڵ بدەم زیاتر لەو مەترسیانە تێبگەم‌و خۆم ئامادەبكەم بۆ بەرەنگاربوونەوە‌و تێكشكاندنی ئەو نەخشەیە، بۆ ئەو مەبەستەش ژیانی خۆمم بەزۆری تەرخانكرد تا بتوانم ئەو بیروباوەڕو پلان‌و نەخشەیە تێكبشكێنم!

بیرمكردەوە چۆن هەوڵ بدرێت بۆ بەرەنگاربوونەوەی، هەر بۆیەش گەیشتمە ئەو دەرەنجامەی كە تەنها “ڕۆشنبیرییە” بتوانێت ڕووبەروی پلانێكی لەو جۆرە ببێتەوە، بەڵام چۆن دەستپێبكرێت؟! ئەمەش بەتەواوی سەرقاڵیكردم، هەستم بە بەرپرسیاریەتی ئەو ئەمانەتە كرد، چونكە ئەمە مەترسیەكی گەورەیە لەسەر ئوممەتی ئیسلامی.

24209434_1526701527411366_3452308387700670464_n

هەربۆیە دەستمكرد لە تێڕامانی هەموو موقەویماتی ئیسلامی و فیكری ئیسلامی‌و نەخشەكانی مێژوی ئیسلام ‌و مێژوی موسڵمانان لە هەموو ئەو ڕووبەرووبوونەوەو جەنگ‌و تەحەدییانەی كە دووچاری بوونەتەوە، هەر بۆیە لە خاڵی سەرەتاوە دەستمپێكردەوە كە” قورئانی پیرۆز، ئیسلام، سوننەتەكان، ژیانی پێغەمبەری ئیسلامە (درودی خوای لەسەر بێت)ە.

دووەم: بابەتەكانی كتێبەكەی ئیمامی موسلیم بوو، بەناونیشانی (كیف ێححت اسلامی) كە بەڕاستی ئەو كتێبە بەتەواوی بۆی ڕوونكردمەوە كە ئیسلام تەنها ئاینێكی خواپەرستی ڕووت نییە بەڵكو پرۆگرامی ژیان‌و دەستوری كۆمەڵگەیە بەگشتی، بیروباوەڕو بەندایەتی بەشێكن لە ئاین نەك هەموو ئاین بن، بۆیە بۆم ڕوونبوویەوە، تێگەیشتن لە ئاین لای زۆرێك لەخەڵكی تەنها ئەو بەشە كورتەیە كەپێیدەوترێت بیروباوەڕ، هەر ئەوەش مەبەستی ڕۆژهەڵاتناسەكان بووە تا ئیسلام لە نوێژو مزگەوتدا كورتبكەنەوە، ئیسلام جیابكەنەوە لەبوارەكانی تری وەك ئابوری‌و كۆمەڵایەتی‌و سیاسەت‌و پەروەردە، بەمشێوەیە بانگەوازی ئیسلامیم ناسییەوە لەسەر شێوەو ڕوخساری ڕاستەقینەی خۆی بۆم ڕوونبوەوە كە ئەو پێشنیارەی ڕۆژهەڵاتناسەكان چەندە ترسناكە! ڕۆژئاواییەكان دەیانەوێت ئەم هزرە لە ناخی موسڵماناندا بچێنن ئەم حاڵەتەش لە دوای جەنگی “خاچ دروشمی” كاتێك كە قەشە (لویس) بانگەوازی بۆكردوە ناوی ناوە (جەنگی وشە) كە مەبەستی پێی گۆڕینی ئیسلام بووە بۆ دینێكی “لاهوت”ی هاوشێوەی ئاینە لەڕێدەرچووەكانیتری مرۆڤایەتی، هەر بۆیەش لەو ڕۆژە بەدواوە پێگەی سیاسی ڕۆژئاوایی لە وڵاتانی ئیسلامیدا بەهێزبووە و دەستیگرتوە بەسەر وڵاتی موسڵماناندا.

ئەم پلان‌و نەخشەیەی ڕۆژهەڵاتناسەكان هێناویانە بەناوی (Whather Islam) ڕووی ئیسلام، بۆ ئەو مەبەستە بووە بتوانن وەك بنەمای ئابوری‌و ئیسلام‌و سیاسەت تا دوایی بەرنە دەرەوەی ئیسلام ئەوكات ماناو بنەماكانی عەلمانیەت‌و فەلسەفەی مادی بچەسپێنن‌و بەرزیان بنرخێنن، هەر لەو ڕۆژانەشەوە كە دەكاتە ساڵی 1940ز بەدواوە دەستمكرد بە گەڕان بەدوای نەخشەكانی ” الاستشراق و تبشیر و غزو الپقافی” و ڕاستكردنەوەی ئەو بیرو باوەڕە هەڵانە.. لەلایەك زیاتر لە دەساڵ لەنێو دونیای كتێب و نوسراوەكاندا سەرقاڵی نوسین بووم، لەلایەكی دیكە لە ڕێگەی ڕۆژنامەكانی ئەوكاتەوە كە لە ژێر دەستەڵاتی ئینگلیزەكاندا بوو توانیم بنووسم‌و كاربكەم بۆ “پێناسەی ئیسلام، مێژوی ئیسلام، كلتوری ئیسلام، وێناكردنی ئومەتی ئیسلامی” لەبواری گەورەیی ئەو مێژوەو سەروەرییەكانیدا، تێروانینی من بۆ بانگەوازی ئیسلامی بەوجۆرە بووەو هەر بەو شێوازەش كارمكردوە لە نوسینی كتێبەكانم.

سود لەم سەرچاوەیە وەرگیراوە.
انور الجندی..راهب الپقافە والفكر – د.یوسف القرزاوی

24740609_1526711427410376_1304981527_n 24726748_1526711877410331_492463474_n 24726511_1526711720743680_179777217_n 24726510_1526711590743693_817090140_n

بابەتی دواتر

42513393_2111360518894833_4104958806113386496_n

دایكێك بە ئۆتۆمبێلەكەی منداڵە پێنج ساڵەكەی دەشێڵێت

شەوی ڕابردوو لە قەزای شارەزور دایکێک بە هەڵە بە ئۆتۆمبێل بەسەر جەستەی مندڵەکەیدا دەڕوات و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *