d8a7d98ad8b1d8a7d986-990x556

بەهۆی توندوتیژییەكانی سوریا، زیاتر لە 10 هەزار هاووڵاتی لە ساڵی رابردوو كوژراون

تۆڕی سووریا بۆ مافەكانی مرۆڤ رایدەگەیەنێت، لە ساڵی 2017دا، 10 هەزار و 204 هاووڵاتیی سڤیلی سووری لە ناوخۆی ئەو وڵاتە كوژراون كە زۆرینەیان لە لایەن هێزەكانی سەر بە رژێمی بەشار ئەسەدەوە كوژراون.

تۆڕی سووریا بۆ مافەكانی مرۆڤ لە راپۆرتێكیدا لەبارەی گیانلەدەستدانی هاووڵاتیانی سڤیل لە سووریا لە ئەنجامی ئەشكەنجەدان، پێكدادان و پەلامارەكاندا رایگەیاندووە، لە ساڵی 2017دا، 10 هەزار و 204 هاووڵاتیی سڤیلی سووری كە دوو هەزار و 298ی منداڵ و هەزار و 536ی ژن بوون، گیانیان لەدەستداوە.

بەپێی راپۆرتەكەی تۆڕەكە، تەنها لە ئەنجامی ئەشكەنجەدان‌و هێرشەكانی سوپای ئەسەددا لە ساڵی رابردوودا، چوار هەزار و 148 كەسی سڤیل كە 754ی منداڵ و 591ی ژن بوون گیانیان لەدەستداوە.

ئاماژە بۆ ئەوەش دەكەن، لە ئەنجامی هێرشەكانی پەیەدەدا، 316 كەسی سڤیل كە 58ی منداڵ‌و 54ی ژن بوون، هەروەها لە لایەن داعشەوە هەزارو 421 سڤیل كە 281ی منداڵ‌و 148ی ژن بوون كوژراون.

تۆڕەكە ئاشكراشیدەكات، لە ئەنجامی هێرشی هێزەكانی رووسیادا، هەزارو 436 سڤیل كە 439ی منداڵ‌و 284ی ژن بوون‌و لە لایەن هێزەكانی هاوپەیمانیی نێودەوڵەتیی دژ بە داعش، هەزارو 759 سڤیل كە 521ی منداڵ‌و 332ی ژن بوون كوژراون.

تۆڕی سووریا بۆ مافەكانی مرۆڤ راشیگەیاندووە، لە ئەنجامی پێكدادانی هێزەكانی ئۆپۆزسیۆن‌و گرووپەكانی دژ بە ئەسەد، 211 سڤیل كە 47ی منداڵ‌و 30ی ژن بوون، گیانیان لەدەستداوە.

لە لایەكی دیكەشەوە 913 كەسی سڤیل كە 198ی منداڵ و 97ی ژن بوون لە لایەن كەسانێكەوە كوژراون كە ناسنامەیان نەزانراوە.

بە پێی راپۆرتی تۆڕی سووریا بۆ مافەكانی مرۆڤ، زۆرترین كەسی سڤیل لە شارەكانی دیمەشق، رەققە، حەلەب، دێرازۆر و ئیدلب كوژراون‌و لەنێو كوژراوەكاندا، 232 كەسیان تەنها لەژێر ئەشكەنجەدا گیانیان لەدەستداوە كە 211یان لە لایەن سوپای ئەسەدەوە ئەشكەنجەدراون.

بابەتی دواتر

2291

سێ هاووڵاتی بەهۆی كێشەی كۆمەڵایەتییەوە بوونە قوربانی

بەڕێوەبەرایەتی پۆلیسی ڕاپەرین ڕای گەیاند، بەیانی ئەمڕۆ دووشەم سێ‌ كەس بەهۆی كێشەیەكی كۆمەڵایەتی بوونەتە قوربانی.لە …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *