676575

ماكرون بۆ روحانی: دان بە خۆتدا بگرە

نوسینگەی سەرۆكی فەڕەنسا لە پەیوەندییەكی تەلەفونیدا داوای لە هاوتا ئێرانییەكەی كرد دان بەخۆیدا بگرێت لە مامەڵەكردنی لەگەڵ خۆپیشاندانەكاندا.

لە بەیاننامەكەدا كە نوسینكەی سەرۆكی فەڕەنسا بڵاویكردوەتەوە ئاماژە بۆ ئەوە دەكات، ئیمانوێل ماكرۆن سەرۆكی فەڕەنسا نیگەرانی خۆی بۆ ڕۆحانی دەربڕیوە سەبارەت بە ژمارەی كوژراوان و بریندارەكانی خۆپیشاندانەكان كە بۆ ماوەی شەش ڕۆژە بەردەوامە و پێی وتووە كە پێویستە ڕێز لە ئازادی ڕادەربڕین و ناڕەزایی دەربڕین بگرێت.

ڕاشیگەیاندووە، سەردانەكەی وەزیری دەرەوەی فەڕەنسا ژان ئیڤ لۆدغیان كە بڕیاربوو ئەم هەفتەیە سەردانی تاران بكات دواخراوە بۆ كاتێكی دیكە.

دەزگاكانی ڕاگەیاندنی ئێرانی رایدەگەیەنن، ڕۆحانی داوای لە فەڕەنسا كردووە لە پاریسەوە دەست بكەن بە جووڵانەوە دژی موجاهیدی خەلق كە لەدژی حكومەتی ئێران كاردەكەن.

دوێنێ دەزگاكانی ئێرانی بڵاویان كردەوە كە ژمارەی كوژراوانی خۆپیشاندانەكان گەیشتوەتە 24 هاووڵاتی و هێزی ئەمنی.

 

بابەتی دواتر

42513393_2111360518894833_4104958806113386496_n

دایكێك بە ئۆتۆمبێلەكەی منداڵە پێنج ساڵەكەی دەشێڵێت

شەوی ڕابردوو لە قەزای شارەزور دایکێک بە هەڵە بە ئۆتۆمبێل بەسەر جەستەی مندڵەکەیدا دەڕوات و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *