received_1692182714137078

سروە عەبدولواحید: حەشدی شەعبی ئەرکی نیشتیمانی و ئەخلاقی بەجێ ھێناوەو دەبێت پاداشت بکرێن

باسک نێت:

سروە عەبدولواحید سەرۆکی فراکسیۆنی گۆڕان لەپەرلەمانی عێراق لەدیمانەیەکی کەناڵی(المیادین)ی نزیک لەحزبوڵای لوبنان و رژێمی سوریا ستایشی رۆڵی حەشدی شەعبی دەکات و دەڵێت: حەشدی شەعبی ئەرکی نیشتیمانی خۆی بەجێھێناوە، ھەروەھا دەڵێت: ئێستا کاتی ئەوەیە کە فەرماندەکانی حەشدی شەعبی پاداشت بکرێن.

سەرۆکی فراکسیۆنی بزووتنەوەی گۆڕان لەو دیمانەیەی مەیادیندا دەڵێت: ئەو سێ حزبەی ھەرێمی کوردستان بزووتنەوەی گۆڕان و کۆمەڵی ئیسلامی و ھاوپەیمانی دیموکراتی چوونەتە بەغدا و داوایان کردووە لە حکومەتی عێراقی لەمەودوا مامەڵە لەگەڵ ئەماندا بکات نەک یەکێتی و پارتی، ھەر لەو دیمانەیەدا ستایشی رۆڵی حەشدی شەعبی و فەرماندەکانی ئەو میلیشیایانەی کرد.

تا ئێستا ڕوون نییە قسەکانی سروە عەبدولواحید بیروڕای فەرمی گۆڕان و کۆمەڵ و ھاوپەیمانییە یان تەنھا بیروڕای خۆی و بزووتنەوەکەیەتی، لەڕابردوودا ئەم ھێزانە ڕەخنەی زۆریان لەبەحزبیکردن و بەمیلیشیاکردنی پێشمەرگە گرتووە کە لەحەشدی شەعبی رێکخراوترن، بەڵام ئێستا ستایشی میلیشیایەک دەکەن کەچەندین حزب و رەوتی سیاسی و مەزھەبی ئاراستەیان دەکات و دەیان تاوان و پێشێلکاریان بەرامبەر خەڵکی کورد لەناوچەکانی دوزخورماتوو کەرکوکدا ئەنجام داوە.

ژ.ک

بابەتی دواتر

41948571_1479604202172471_5299971995243380736_n

بەسەرپەرشتی ڕابەری گشتی: کۆبونەوەی بەرفراوانی مەکتەبی ڕێکخستن بەڕێوەچوو

بەسەرپەرشتی ڕابەری گشتی: کۆبونەوەی بەرفراوانی مەکتەبی ڕێکخستن بەڕێوەچوو ئەمڕۆ سێ شەممە بەرواری ۱٨ ـ ۹ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *