wazarat-nawxo

وەزارەتی ناوخۆ لیستی موچە خۆرەکانی رەوانەی بەغدا دەکات

باسک نێت-ھەولێر

وەزارەتی ناوخۆی حکومەتی ھەرێم ئامادەیی دەردەبڕێت ھاوشێوەی وەزارەتەکانی پەروەردەو تەندروستی، لیستی موچەخۆرەکانی رەوانەی بەغدا بکات بەمەبەستی وردبینی و ناردنی موچە، ڕاوێژکارێکی وەزارەتەکەش رەتیدەکاتەوە کەموکوڕی لە لیستی ناوەکانیان ھەبێت.

لیوا سەعید محەمەد ڕاوێژکاری یاسایی وەزارەتی ناوخۆی حکومەتی ھەرێم ڕایگەیاند:”ھەرچەندە تائێستا حکومەتی بەغدا داوای لیستی موچەخۆران و ئاماری ھێزەکانی ئاسایشی ناوخۆی ھەرێمی نەکردووە، بەڵام ھەر کاتێک داوایان کرد، ئامادەین لیستەکەیان بۆ رەوانە بکەین و وردەکاریی سەرجەم موچەخۆرانمان بخەینەڕوو”.

راوێژکارەکەی وەزارەتی ناوخۆی ھەرێم، لێدوانی ئەو بەرپرسانەی حکومەتی عیراقیشی رەتکردەوە لەبارەی بوونی گرفت لە لیستی ھێزە ئەمنییەکانی ھەرێم و وتی:”لیستی ناوی وەزارەتی ناوخۆ بەو جۆرە نییە، بەڵکو سەرجەم موچەخۆران سەرەتاو دۆسیەی دامەزراندنیان ھەیە و کێشەیان نییە”.

لیوا سەعید محەمەد ئاماژەی بەوەشکرد، ناردنی لیستی موچەخۆرانی وەزارەتی ناوخۆ، بەمانای خستنەڕووی نھێنیی سەربازی نییە، وتی:”ئەمە لیست و ئاماری چەک و تەقەمەنی نییە، بەڵکو تەنھا لیستی موچەخۆرەکان دەنێرین”.

ژ.ک

بابەتی دواتر

draw2412015bb

نرخی دراوەکان

نرخی دراوەکان لە بازاڕەکانی هەرێمی کوردستان 100 دۆلار 120 هەزار و 250 دینار. 100 یۆرۆ …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *