8812018_kashtyaa

جەستەی یەکێک لە سەرنشینەکانی کەشتیە نەوت ھەڵگرەکەی ئێران بەسوتاوی دۆزرایەوە

باسک نێت:

ئاژانسی ھەواڵی ئیسنای ئێرانی لەسەر زاری لایەنە پەیوەندیدارە فەرمیەکانی ئێرانەوە بڵاویکردەوە، جەستەی یەکێک لە سەرنشینەکانی پاپۆڕە نەوت ھەڵگرەکەی ئێران بە سووتاوی دۆزراوەتەوە.

لەو بارەیەوە موحەمەد راستاد، سەرۆکی دەزگای دەریاوانی سنورە ئاوییەکانی ئێران بە ئیسنای راگەیاندووە، “جەستەی مردووەکە بۆ لێکۆڵینەوەی توێکاری ڕەوانەی شەنگەھای کراوە”.

دوێنێ یەکشەممە، ئاژانسی رۆیتەرز لە زاری بەرپرسانی حکومەتی چینەوە بڵاویکردەوە، “کەشتییەکی نەوت ھەڵگری ئێرانی گڕی گرتووە و ئەو نەوتەی ھەڵیگرتووە ڕژاوەتە دەریای ڕۆژھەڵاتی چین، ئەوەش دوای ئەوەی خۆی کێشاوە بەکەشتییەکی چیندا”، بەڵام تا ئێستا تیمەکانی رزگارکردن نەیانتوانیووە تیمی کەشتییەکە رزگاربکەن.

ھێزە دەریایەکانی ئەمەریکاش پەیوەندیانکردووە بەتیمەکانی گەڕان و پشکنین، ھەروەھا بەفرۆکەی سەربازییەوە بەدوای دەستەی سەرنشینانی کەشتییەکەدا دەگەڕێن کە ژمارەیان ٣٢ کەسە.

ژ.ک

بابەتی دواتر

51114388_343141046292647_2742393913359728640_n

‌وه‌زاره‌تی‌ داد: 323 تاوانبار سودمه‌ندبوون له‌ لێبوردنی‌ گشتی‌

وەزارەتی داد رایگەیاند، بە پێی یاسای ژمارە چواری ساڵی ٢٠١٧، دوو هەزار و ٣٢٣ تاوانبار …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *