628ee381b835f74ff4cad7506569c51e_L

سەركردەیەكی بزووتنەوەی ئیسلامی حەماسی فەڵەستینی بریندار بوو

دوێنێ لە كەرتی غەززە سەركردەیەكی بزووتنەوەی ئیسلامی حەماسی فەڵەستینی گولەیەك بەر سەری دەكەوێت و بریندار دەبێت.

(فەوزی بەرهوم) وتەبێژی بزووتنەوەی حەماس رایگەیاند، ئەمڕۆ لەنێو ماڵەكەی خۆی (عیماد عەلەمی) سەركردە لە بزووتنەوەكەیان فیشەكێك لە دەمانچەكەی دەرچووەو بەر سەری كەوتووەو بەسەختی برینداربووە.

ناوبراو راشیگەیاندووە، بەهۆی سەختی برینەكەی عەلەمی لەنەخۆشخانە لە ژێر چاودێری ووردی پزیشكییەو دۆخی تەندروستیشی سەختە.

جێگەی باسكردنە (عیماد عەلەمی) تەمەنی (62) ساڵەو نوێنەری بزووتنەوەی حەماس بووە لەئێران و پێشتریش ئەندامی مەكتەبی سیاسی بووەو بەیەكێك لەسەركردە دیارەكان دادەندرێت لەدەرەوەی فەڵەستین و لەساڵی (2012) ەوەش گەڕاوەتەوە كەرتی غەززە.

لەساڵی (2014) ئەو كاتەی لە كەرتی غەززە ماڵەكەی كەوتە بەر بۆردومانی فڕۆكە جەنگییەكانی سوپای ئیسرائیل، عەلەمی بەسەختی برینداربوون دواتر گەیەندرایە توركیاو نەشتەرگەرییەكی سەركەوتووی بۆ كرا.

بابەتی دواتر

223201698569179a7c9b1ded255b3db7ebe2c5d04a6_XL

100 هەزار دینار مووچەی پۆلیسی یەكەی پاسەوانی زیاد كرا

بریكاری وەزارەتی ناوخۆ دەڵیت: بۆ ئەم مانگە نزیكەی 100 هەزار دینار مووچەی پۆلیسی یەكەی پاسەوانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *