435333

21ی ئەم مانگە خولێكیتری دانوستانەكانی سوریا دەست پێدەكات

ئۆپۆزسیۆنی سوریا خولێكی نوێی دانوستانەكان سەبارەت بە ناكۆكییەكانی سوریای ڕاگەیاند كە لە 21ی ئەم مانگەدا لە جنێڤ بە سەرپەرشتی نەتەوە یەكگرتووەكان ساز دەكرێت.

ئاژانسی فرانس پرێس بڵاویكردەوە، نەسر حەریری سەرۆكی شاندی ئۆپۆزسیۆنی سوریا رایگەیاندووە، نەتەوە یەكگرتووەكان شیاوترین لایەنە بۆ سەرپەرشتیكردنی هەوڵەكان بۆ گەیشتن بە چارەسەرێكی سیاسیی لە سوریا.

خولی هەشتەمی دانوستانەكانی جنێڤ لە مانگی دوانزەی ساڵی ڕابردوودا شكستی هێنا‌و ئۆپۆزسیۆنی سوریاش داوای كرد باس لە چارەنوسی سەرۆكی سوریا بەشار ئەسەد بكرێت لە دانوستانەكاندا كە ئەوەش شتێكە دیمەشق بەتەواوەتی ڕەتی دەكاتەوە، نەتەوە یەكگرتووەكانیش بەرپرسیارێتی شكستهێنانی ئەو خولەی خستەئەستۆی ڕژێمی سوریا.

حەریری ئاشكراشیكرد، نەتەوە یەكگرتووەكان هێشتا بڕیارێكیان نەداوە سەبارەت بە بەشداریكردنیان لە گفتوگۆكانی سوچی، ئاماژەی بۆ ئەوەش كرد، ئۆپۆزسیۆنی سوریا بەدووری نازانێت ئامادەی ئەو گفتوگۆیانە ببێت، بەڵام ئەگەر هاتوو پێشڕەوییەك كرا لە دانوستانەكانی جنێڤدا ئەوا گفتوگۆكانی سوچی بێ سوود دەبێت.

رونیشیكردەوە، نەتەوە یەكگرتووەكان بەشداری سوچی ناكەن تەنها لە حاڵەتێكدا نەبێت كە ڕوسیا پشتیوانی لە دانوستانەكانی جنێڤ بكات.

 

بابەتی دواتر

images

رێژەی باران بارین و پیشبینی كەش و هەوای ئەمڕۆ و سبەینێ بڵاوكرایەوە

بەڕێوەبەرایەتی كەشناسی و بومەلەرزەزانی هەرێم ئاشكرایدەكات، پلەكانی گەرما بۆ ئەمڕۆ شەمە بەم شێوەیە دەبێت، شاری …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *