1016778_486779041403625_1221301673_n

هەرای ڕاگەیاندنی کوردی!!

شۆڕش کەمال
کەس بە کاری خۆی هەڵناسێ هەموو بریکاری ئەوانیترە..ڕاستربڵێم هەموومان حەزمان لە کوێخایەتیی و زۆربڵێییە..کلتوری شەڕ جوێن و بەردەبارانکردن لە میدیاکان بووەتە تەسفیە حیسابات، میدیای سەربەخۆش لەم هەرێمەدا تەنها درۆیەکی شاخدار زیاتر نییە، ڕابردوو سەلماندی ئێستاش شاهیدحاڵی وەزعەکەیە،کاری ڕاگەیاندن هەراو هوریایەکە ڕۆژنامەنوس و تەکنیک کار و نوسەر و سیاسی هەموو تێکەڵ و پێکەڵ بوون پەرلەمانتاریش کاری وەزیرەکا.
ڕۆژنامەنوس بۆ مەرامی دەرکەوتن دەبێتە سیاسی..سیاسی ئێستا بۆ دەرکەوتن ئەکتیڤترین ڕۆژنامەنوسە پەرلەمانتار بەشوێن بزنزەوەیە وەزیری و پۆستەحکومەیەکان دەروازەن بۆ مەرامی بازرگانی.. نوسەر لەم کایەدا ڕۆبۆتێکی قەلەم بەدەستە وەک مەکینەیەک وشە بە چەسپ پێکەوەئەلکێنێ.. ئەکادیمیکار قسەکانی ئەوەندەی لە وتەی بازاڕی دەچێ لە ڕۆشنبیرێکی خوێدەوارناکات..مجێوری مزگەوت ئیمامەت دەکات دەچێتە کۆڕو بۆنەکان وتار دەدات تەداخولی شەریعەت و سیاسەتیش دەکات.. مەلا هەیە نوێژ ناکات حەزی لە دونیای سیاسەتە و دەمی پێی ناگات لەبری بەشودان ژن بەتەڵاق دەدات..سەرۆکی حیزب و وەزیرو حکومەت کاسبی دەکەن حەز لە دەرکەوتنی زۆرو کاری رۆژنامە نوسییەکەن بەدەستخۆیان نییە دڵیان بۆی لێدەدات..مامۆستا لەبری فێرکردن دڵی هەوەسی جنێو دەکا بەدەست ئەو نیە ناچارە دڵی تووندە مووچەکەی بڕاوە دەبێ وابکات..کارمەندی حکومەت سایەق تەکسیە یاشاگرد چایخانەو کەبابچیە ئێوارانیش بەقاڵە سێ چوارئیشەکات ئنجا دڵی هەرمەیلی جنێودەکا ئەویش ناچارە ماندووە ئەی چۆن دەردی دڵی دەربکا..میدیای کوردی تاوێ تەرفیهییە گۆرانی عەرەبی لێدەدا دەگەو ڕگەیە فارسیشی بەناودادەکا تاوێکیش لەبەر دڵی بینەر وتاری ئاینیشی تێدەکات.. مایکی بەڕەڵاشی هەیە بۆ شەڕجنێو چونکە وەزعەکە واپێویستدەکا..لە بنەڕتدا خراپ هاتووە کەس کاری خۆی ناکا بۆیە ناچارە وابکات،پەیامی ڕگەیاندن بەتاڵ و مایە پووچە ئێستا هەر بیری گەندەڵی و بۆگەنەکان ئاراستەی وەرگردەکات هەر بۆیە پەیامەکانیش بە جۆرێک لە مەنجەڵی بوخارەچن بۆ تەنفیس و تەفریغ تا ئارەزووەکانی وەرگر بە چێژو تام و بۆن وخوێی خۆیان خۆش بکەن.

بابەتی دواتر

hedy

ساخته‌كاریی هه‌ولێرو یه‌كڕیزی به‌غدا

سیسته‌می سیاسیی له‌هه‌ر وڵات و ده‌وڵه‌تێك به‌كۆمه‌ڵێك به‌ندو یاسادا گرێدراوه‌ و ڕێچكه‌ی تایبه‌تی خۆی گرتووه‌و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *