52612018_217122017_Pumpjacks

نرخی نەوت دابەزی

باسک نێت:

نرخی نەوت لەبازاڕەکانی جیھاندا کەمێک دابەزینی بەخۆیەوە بینی، ئەوەش دوای بەرزبوونەوەی نرخی دۆلار دێت بەرامبەر دراوە جیھانییەکانی دیکە.

دوای ئەوەی دۆناڵد ترەمپ، سەرۆکی ویلایەتە یەکگرتووەکانی ئەمەریکا لەلێدوانێکدا رایگەیاند کە دەیەوێت “دۆلار بەھێز بێت،” نرخی دۆلاری ئەمەریکی بەھاکەی لەبازاڕەکانی جیھاندا بەرزبوویەوە.

بەھۆی ئەوەی نەوت لەجیھاندا بە دۆلار مامەڵەی پێوەدەکرێت، وتەکەی ترەمپ کاریگەریی کردە سەر نرخی نەوت و لەبەھاکەی کەمبوویەوە.

بەپێی ئاژانسی رۆیتەرز، دوای ئەوەی دوێنێ نەوت بەرزترین نرخی لەماوەی زیاتر لە سێ ساڵی رابردوودا تۆمارکرد، لەئێستادا کەمێک لەنرخەکەی دابەزیووەو یەک بەرمیل نەوتی برینت لەبازاڕەکاندا جیھاندا بە ٧٠.٤٢ دۆلار دەفرۆشرێت.

ھاوکات نرخی نەوتی خاوی تەکساسی رۆژئاوای ئەمەریکا، ١٠ سەنت لەنرخەکەی دابەزیووەو ھەر بەرمیلێکی بە ٦٥.٥١ دۆلار لەبازاڕەکانی جیھاندا مامەڵەی پێوەدەکرێت.

ژ.ک

بابەتی دواتر

405113Image1

لابردنى خاڵه‌ گومرگیه‌كانی نێوان هه‌رێم و به‌غدا نزيكه

ڕێكه‌وتنه‌كه‌ی نێوان هه‌رێم و به‌غدا له‌باره‌ی خاڵه‌ گومرگییه‌كان ده‌خرێته‌ بواری جێبه‌جێكردنه‌وه‌، به‌ڕێوه‌به‌ری گومرگی هه‌رێم له‌باره‌ی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *