7ffc074f776388b419c1b4c5a0f6a6d7_L

عەبادی بودجەی هەڵبژاردنەكاني پەسەند كرد

سەرۆك وەزیرانی عێراق رەزامەندی نیشانداوە بە خەرجكردنی (126) ملیار دینار بۆ كۆمسیۆنی باڵای سەربەخۆی هەڵبژاردنەكان، وەك قۆناغی یەكەمی ئەو بڕە پارەیەی بۆ بەڕێوەچوون و ئامادەكارییەكانی هەڵبژاردنی پەرلەمانی داواكراوە.

(رزگار حاجی حەمە) جێگری سەرۆكی كۆمسیۆنی باڵای سەربەخۆی هەڵبژاردنەكانی عێراق رایگەیاندووە، سەرۆك وەزیرانی عێراق رەزامەندی لەسەر بودجەی داواكراو بۆ بەڕێوەچوونی هەڵبژاردنەكانی ئەنجوومەنی نوێنەرانی و ئەنجوومەنی پارێزگاكانی عێراق دەربڕیوە، لە كۆی (296) ملیار دینار، (126) ملیاری وەكو قۆناغی یەكەم خەرجكردووە.

ناوبراو بۆ ماڵپەری یەكێتی وتیشی : وەك كۆمسیۆن دەبێت پێش (5) ی ئەم مانگە ئەو بودجەیەی پێویستە بۆ بەڕێوەچوونی هەڵبژاردنەكان و ئەو شایستە داراییانەی دەبێت بدرێت بەو كۆمپانیایانەی ئامێرەكانیان بۆ دروستكردوین پێیان بدەین.

بڕیارە ئەمڕۆ كۆمسیۆن لە وەزارەتی دارایی عێراق دەستبكات بە تەواوكردنی رێكارەكان بۆ ئەوەی ئەو پارەیە بخرێتە سەر حیساب بەنكی كۆمسیۆن و دەست بە وەرگرتنی بكەن.
ئەوەش لەكاتێكدایە بڕیارە هەڵبژاردنەكانی پەرلەمانی عێراق لە (5/12) ی ئەمساڵ بەڕێوەبچێت، كە (24) ملیۆن كەس مافی دەنگدانیان هەیە.

بابەتی دواتر

223201698569179a7c9b1ded255b3db7ebe2c5d04a6_XL

100 هەزار دینار مووچەی پۆلیسی یەكەی پاسەوانی زیاد كرا

بریكاری وەزارەتی ناوخۆ دەڵیت: بۆ ئەم مانگە نزیكەی 100 هەزار دینار مووچەی پۆلیسی یەكەی پاسەوانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *