o_pop__400x400

سوكایەتیكردن بە ئاینی پیرۆزی ئیسلام رەتدەكرێتەوە

لە مێژووی نوێی نەتەوەی كورددا رژێمە یەكلەدوایەكەكانی عەرەب و فارس و تورك بەردەوام دژایەتی كوردیان كردووە و زۆرجاریش بۆ سەركوتكردنی شۆڕش و بەرخۆدانەكانیان، ئایینی ئیسلامیان بەكارهێناوەو بە ئیسڕائیلی دووەم و بێ باوەڕ لە ئیسلام تۆمەتباریان كردوون، لە نوێترین هەوڵیدا حكومەتی توركیا بۆ جارێكیتر ئایینی ئیسلامی بەكارهێنایەوە بۆ سەركوتكردنی كورد، ئەم هەوڵانەی داگیركەرانی كوردستان بەدوور لە ئاینی پیرۆزی ئیسلامی داندراون.

سوكایەتیكردن بە ئاینی پیرۆزی ئیسلام بەناوی بەرگری لە عەفرینەوە
لەگەڵ دەستپێكردنی لەشكركێشی داگیركەرانەی سوپای توركیا بۆ سەر شاری عەفرین لە نێو باشووری كوردستان بە پێچەوانەی یاساكارپێكراوەكان و نەریتەكانەوە ژمارەیەك كەس بە ناوی بەرگری لە عەفرین و دژایەتی ئەردۆغانەوە كەوتوونەسەر هێرشكردنەسەرو سوكایەتیكردن بە ئاینی پیرۆزی ئیسلام كە ئاینی زۆری خەڵكی كوردستانە، بۆیە داوادەكرێت داواكاری گشتی و لایەنە پەیوەندیدارەكانی حكومەتی هەرێمی كوردستان لەسەر ئەم پرسە بێنەدەنگ و رێوشوێنی پێویست بگرنەبەر بەتایبەت داواكاری گشتی و وەزارەتی ئەوقاف.

مامۆستا ئەحمەدی شافیعی مامۆستای ئایینی و ئەندامی لیژنەی فەتوای یەكێتی زانایانی ئایینی هەرێمی كوردستان راگەیاند، وەكو یەكێتی زانایان هەر لە سەرەتاوە ئیدانەی ئەو هێرشانەی توركیامان كردووە بۆ سەر عەفرین.

وتیشی، ئەمە هێرشێكە ستەم لە نەتەوەی كورد دەكرێت‌و خەڵكی سڤیلی تێدا دەكوژرێت.

ئاماژەی بۆ ئەوەش كرد، ئەم كردەوانە پێچەوانەی ئایینی ئیسلامە، چونكە ئیسلام بەردەوام داوای برایەتی و رێزی نەتەوەكان دووپات دەكاتەوە، هاوكات ئیدانەی ئەوەشمان كردووە كە ئەوان ئایین بەكاردەهێنن، هەروەك چۆن لەكاتی خۆیدا سەدام حوسێن بۆ لەناوبردنی كورد وشەی ئەنفال و سورەتی ئەنفالی بەكاردەهێنا، ئێستاش حكومەتی توركیا سورەتی فەتح بەكاردەهێنێت.

ناوبراو جەخت لەوە دەكاتەوە، ئەمە تێكەڵكردنی ئایینە لەگەڵ سیاسەتداو كارێكە پێچەوانەی بنەماكانی ئایینی ئیسلامی.
دوای هەڵوێستەكانی توركیا و بەكارهێنانی سورەتی فەتح لە هێرشەكانیان بۆسەر عەفرین، چەند كەسێك بە ناڕەوا كەوتنە سوكایەتی كردن بە ئایینی پیرۆزی ئیسلام و بەكارهێنانی ووشەی نەشیاو بۆسەر پیرۆزییەكانی ئیسلام.

بەپێی زانیارییەكان، ئەوانەی سوكایەتی بە ئاینی ئیسلامی دەكەن ئەو كەسانەن كە دەیانەوێ بە داژەتیكردنی ئایین و هەڵوێستی بەرانبەرەكانیان، لە وڵاتانی ئەوروپا بیكەنە كەیسێك و وەڵامێكی پێوەربگرنەوە، ئەمەش زیاتر لەو كەسانەدا دەبینرێت كە هیچ بەهایەكی ئایینی و مرۆڤایەتییان لە خۆیاندا نەهێشتووە.
هاوكات بەشێك لە چەپ و عەڵمانی و سێكۆلاریستەكان كە زۆرینەی كاتی خۆیان بۆ دژایەتیكردنی ئاین تەرخانكردووە، بە پاساوی عەفرین دەیانهەوێت هێرشبكەنەسەر ئاین و وەك هەلێك دەیقۆزنەوە.

مامۆستا ئەحمەدی شافیعی لەو بارەوە رایگەیاند، ئەوانەی هێرش دەكەنەسەر ئایین و قورئان‌و جوێن بە موسڵمانان دەدەن كارێكی ناڕەوا و كارێكی خراپ دەكەن‌و دژە بە هەموو بنەماكانی ئایین و مافی مرۆڤ و یاسا زەوینی و ئاسمانییەكان.

وتیشی، ئەو كەسانە كەمن‌و دوورن لە هەموو بەها مرۆڤایەتییەكان و بە پەنجەی دەست دەژمێردرێن”.

ئاشكراشیكرد، ئەوەندەی پێویست ئیدانەی كارەكە كراوە لەوە زیاتر پێویست ناكات ئەوە گەورە بكەین، چونكە نەتەوەیەك ئەمەی نەكردووەو كەسێك لە هەموو بەها مرۆڤایەتییەكان شۆراوەتەوە، ئەوەندەی ئیدانە كراوە بەسە، چونكە ئەو كەسانە بەهای ئەوەیان نییە وەڵام بدرێنەوە.
سەبارەت بە هەڵوێستی وەزارەتی ئەوقاف و كاروباری ئایینی حكومەتی هەرێمی كوردستان، نەبەز ئیسماعیل وتەبێژی وەزارەتی ئەوقاف راگەیاند، لەبەر ئەوەی هیچ ناوەندێكی راگەیاندن‌و رۆژنامە هیچ سووكایەتیكردنێكی بڵاونەكردوەتەوەو تەنها لە سۆشیال میدیاوە ئەو كەسانە سوكایەتی بە ئایین دەكەن ئێمە ناتوانین هەنگاوی یاسایی بنێین، چونكە سۆشیال میدیا كۆنتڕۆڵ ناكرێت.

وتیشی، ئێمە قبوڵ ناكەین سووكایەتی بە هیچ ئاینێك بكرێت و وەزارەتی ئەوقاف ئەو سووكایەتیانە رەتدەكاتەوە.

ئاشكراشیكرد، وەزارەتی ئەوقاف بەردەوام هەڵوێستی هەبووە، بەڵام لەبەرئەوەی ئەم بابەتە لە سۆشیال میدیاوە بڵاوكراوەتەوە، ناتوانی كۆنتڕۆڵی بكەیت و شتێكی فەرمی نییە كە هێزی یاسایی بەكاربهێنین.

ئاماژەی بۆ ئەوەش كرد، هەشت پێكهاتەی ئایینی لە وەزارەتی ئەوقاف بوونیان هەیە و سەرجەمیان دژی هەر سوكایەتیكردنێكن بە هەر كەسێك یان هەر ئاینێك بكرێت.

 

خەڵك

بابەتی دواتر

BAXDA-SNDUQ

كۆگاكانی كۆمیسیۆنی باڵای له ره‌سافه‌ی شاری به‌غدا بونه ته شوينى له سيداره دان

 كۆگاكانی كۆمیسیۆنی باڵای له ره‌سافه‌ی شاری به‌غدا بونه ته شوينى له سيداره دان  بيانوى كوشتنى …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *