IMK

ڕاگەيەنراوى بزووتنەوەى ئيسلامى لەيادى ڕاپەڕيندا

لەڕاگەيەنراوێكدا كاميل مەحمود وتەبێژى فەرمى بزووتنەوەى ئيسلامى ئاماژە بۆ ئەوە دەكات كە دواى ٢٧ ساڵ لەڕاپەڕين هێشتا ستەمكارى و ئەداكردنەوەى هەندێ ڕەفتارى رژێمى بەعس ماوەتەوەو ڕاپەڕين ئامانجەكانى بەدى نەهاتووە، وتەبێژى فەرمى بزووتنەوەى ئيسلامى دەڵێت دوو حزبى دەسەڵاتدارى كوردستان بواريان بۆ چاكسازى و قۆستنەوەى هەل و دەرفەتە لەبارەكان نەهێشتووەتەوەو بەميزاجى حزبى و شەخسى وڵات بەڕێوە دەبەن..

دەقى ڕاگەيەنراوەكەى وتەبێژى فەرمى بزووتنەوەى ئيسلامى:

بەناوى خواى گەورەو ميهرەبان
ئەمڕۆ يادەوەرى سەرەتاى نەعرەتەى توڕەيى جەماوەرى كوردستانەو لەڕۆژێكى وەك ئەمڕۆدا خەڵكى ستەمديدەى كورد دژى دەسەڵاتێكى دكتاتۆرو ستەمكار ڕاپەڕى و لەماوەى چەند هەفتەيەكى كەمدا ريشەى بەعس و حوكمى سەداميان لەكوردستاندا دەرهێناو شارو شارۆچكەكانى كوردستانيان خستەبەر شنەباى ئازادى..
بەداخەوە دواى ٢٧ساڵ لەڕاپەڕين هێشتا ئامانجەكانى ڕاپەڕين نەهاتوونەتەدى و سەرەڕاى هەلومەرجى لەبارى ناوچەكەو جيهان لەو كاتەوەو تا ئێستاش نەتوانراوە هەرێمێكى خاوەن دامەزراوەى دوور لەميزاجى حزبى و شەخسى بنيات بنرێت، دوو حزبى باڵادەستى كوردستان تا ئێستا بواريان بۆ قەوارەيەكى سياسى و ئيدارى سەركەوتوو نەڕەخساندووە كە كاروبارەكان بەياساو سيستمێكى دادپەروەرانە بەڕێوەبچن و گەندەڵى و ستەمكارى و بەهەدەردانى سامانى وڵات و تواناى مرۆيى مرۆڤى كورد سنوورى بەزاندووە.
بەداخەوە ٢٧ساڵ داواى ڕاپەڕين ديارترين توێژەكانى كۆمەڵگە كە بۆ ئەم ڕۆژە قوربانيان داوە بنەماڵەى شەهيدانن لەهەموو لايەك زياتر لەم دەسەڵاتە ناڕازين و خەريكە ئەو هەستەيان بۆ دروست دەبێت كە خوێنى ڕۆڵەكانيان بەهەدەر دراوە.
لاوانى كوردستان كە رۆژانى حوكمى سەداميان نەديوەو ئەمڕۆ هەر سيفەت و رەفتارێكى ئەو دەسەڵاتە دكتاتۆرەيان بۆ باس دەكەيت ئاسايى وەرى دەگرن و دەڵێن خۆ لەم سەردەمەى ئێستاشدا هەندێ لەو رەفتارانە بەخراپتر ئەدا دەكرێنەوە، گەنجى كوردى دواى ڕاپەڕين بەجۆرێك بێ ئومێد كراوە كە خۆدانە دەست شەپۆلەكانى دەرياى ئيجەى لەمانەوە لەوڵاتێكى پڕ لەستەمكاريدا پێ باشترە.
لەڕۆژى ڕاپەڕيندا جارێكيتر يادى ئەم دەسەڵاتەو ئەندازيارانى ئەم ٢٧ساڵە پڕ لەشكستەى ئەزموونە كوردييەكەى دەخەينەوە كە مێژوو لێتان نابوورێت و بەفێڕۆدانى زەمەنێكى پڕ لەهەل و دەرفەت بۆ كورد تاوانێكى گەورەيە، بۆيە ئەگەر خۆتان نەگۆڕن رۆژێك دێت وەك چۆن خەڵك دەسەڵاتەكەى پێش ئێوەى ڕاماڵى ئێوەش ڕادەماڵن.
لەڕۆژى ئازايەتى و غيرەتى جەماوەرى كوردستاندا بەناوى مەكتەبى سياسى بزووتنەوەى ئيسلامييەوە دەستخۆشى و پيرۆزبايى ئاراستەى جەماوەرى كوردستان دەكەين و ڕەحمەت و سۆزى پەروەردگاريش داوا دەكەين بۆ شەهيدانى ڕاپەڕين.

كاميل مەحمود
وتەبێژى فەرمى مەكتەبى سياسى بزووتنەوەى ئيسلامى
٢٠١٨/٣/٥

ژ.ك

بابەتی دواتر

42513393_2111360518894833_4104958806113386496_n

دایكێك بە ئۆتۆمبێلەكەی منداڵە پێنج ساڵەكەی دەشێڵێت

شەوی ڕابردوو لە قەزای شارەزور دایکێک بە هەڵە بە ئۆتۆمبێل بەسەر جەستەی مندڵەکەیدا دەڕوات و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *