thumbs_b_c_85d9c63d49a034897dffb129b5a1b298 (1)

نه‌ته‌وه‌ یه‌كگرتووه‌كان ئیدانه‌ی پێشێلكارییه‌كانی ئه‌سه‌د ده‌كات

ئەنجوومەنی مافی مرۆڤ سەر بە نه‌ته‌وه‌ یه‌كگرتووه‌كان، پڕۆژه‌ بڕیارێکی په‌سه‌ند كرد كه‌ به‌ توندی ئیدانه‌ی پێشێلكردنی مافه‌كانی مرۆڤ ده‌كات له‌ لایه‌ن رژێمی ئه‌سه‌د له‌ غوته‌ی رۆژهه‌ڵات.

رۆژی هه‌ینی رابردوو، ئەنجوومەنی مافی مرۆڤ سەر بە نه‌ته‌وه‌ یه‌كگرتووه‌كان له‌سه‌ر داوای به‌ریتانیا، به‌په‌له‌ له‌باره‌ی دۆخی غوته‌ی رۆژهه‌ڵاته‌وه‌ كۆبووه‌وه‌ و به‌یانیی ئه‌مڕۆش له‌سه‌ر داوای رووسیا و به‌ریتانیا بۆ ئه‌نجامدانی گۆڕانكاری له‌ پڕۆژه‌ بڕیاره‌كه‌دا، جارێكی دیكه‌ كۆبوونه‌وه‌.

له‌ دانیشتنه‌كه‌دا پڕۆژه‌ بڕیارەکە كه‌ ئیدانه‌ی سه‌رجه‌م پێشێلكارییه‌كانی رژێمی ئه‌سه‌د له‌ سووریا و به‌تایبه‌ت له‌ غوته‌ی رۆژهه‌ڵات ده‌كات، به‌ 29 ده‌نگی به‌ڵێ و چوار دەنگی نه‌خێر و 14 ده‌نگی سپی په‌سه‌ندكرا.

پڕۆژه‌ بڕیارەكه‌ به‌توندی ئیدانه‌ی سه‌رجه‌م پێشێلكارییه‌كانی رژێم ده‌كات له‌ غوته‌ی رۆژهه‌ڵات.

له‌ ره‌شنووسه‌كه‌ی به‌ریتانیادا، داواكراوه‌ ده‌ستبه‌جێ بڕیاری نه‌ته‌وه‌ یه‌كگرتووه‌كان بۆ راگه‌یاندنی ئاگربه‌ست له‌ غوته‌ی رۆژهه‌ڵات بۆ ماوه‌ی 30 رۆژ جێبه‌جێ بكرێت و هاوكاریی به‌په‌له‌ی مرۆیی بگه‌یه‌نرێته‌ ده‌ستی خه‌ڵكی مەدەنی ناوچه‌كه‌ و نه‌خۆش و برینداره‌كان بگوازرێنه‌وه‌ بۆ ناوچه‌ ئارامه‌كان.

هه‌روه‌ها پڕۆژه‌ بریارەکە داواده‌كات پێشێلكارانی مافی مرۆڤ له‌ غوته‌ی رۆژهه‌ڵات سزابدرێن و لیژنه‌ی سه‌ربه‌خۆی نه‌ته‌وه‌ یه‌كگرتووه‌كان به‌وردی له‌ دواین پێشێلكارییه‌كان بكۆڵێته‌وه‌.

هاوکات ئەنجوومەنی مافی مرۆڤ سەر بە نه‌ته‌وه‌ یه‌كگرتووه‌كان داواكارییه‌كانی رووسیای بۆ ئه‌نجامدانی گۆڕانكاری له‌ پڕۆژه‌ بریارەكه‌دا ره‌تكرده‌وه‌.

ژ.ك

بابەتی دواتر

14112017623650_152492017_121511187202222

تا سێ مانگی دیکە تورکیا گەمارۆى سەر فڕۆکەخانەی سلێمانی درێژکردەوە

توركیا بڕیارێكی نوێی له‌باره‌ی ده‌ستپێكردنه‌وه‌ی گه‌شته‌كان بۆ فڕۆکەخانەی سلێمانی ده‌ركرد و بەگوێرەی ئەو بڕیارەش، گەمارۆکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *