A0962421-08C1-43B9-A9C4-115426918DD9_cx0_cy1_cw0_w1023_r1_s

هەڵبژاردنەکانی ئیتالیا: هیچ لایەنێک نەیتوانیوە زۆرینەی دەنگەکان بەدەستبهێنێت

هەرچەندە بەشێکی بەرچاو لە ئیتالیـیەکان لە دەنگدانە پەرلەمانیـیەکەی ڕۆژی یەکشەممە دەنگیان دا بە هاوپەیمانێتی ڕاستڕەو، بەڵام بەو ئاستە نیـیە کە بتوانێت بە تەنیا حکومەتی نوێ پـێکبهێنێت.

ئەمڕۆ دووشەممە لە پاش دەرکەوتنی بەشێکی ئەنجامەکان لە نزیکەی 90% ی بنکەکانی دەنگدان، هاوپەیمانێتی ڕاستڕەو کە چوار پارتی لە خۆ گرتووە، لەوانە فۆرزا ئیتالیا بە سەرۆکایەتی سیلڤیۆ بێرلوسکۆنی و لێگا نۆرد بە سەرۆکایەتی ماتیۆ سالڤینی، 37% ی دەنگەکانی بەدەستهێناوە.

ئەوەی جێی سەرنجە پارتەکەی سالڤینی 18% ی دەنگەکانی بردووەتەوە، بەڵام پارتەکەی بێرلوسکۆنی 14% ی دەنگەکانی بەدەستهێناوە.

بزوتنەوەی 5 ئەستێرەش بە سەرۆکایەتی لویجی دی مایۆ کە ڕکابەری ڕاستڕەو و چەپڕەوەکانە، ئەویش نزیکەی 32% ی دەنگەکانی هێناوە.

بەهۆی ئاڵۆزی شێوازی سیستمی هەڵبژاردنی نوێ، هێشتا زووە بزانرێت کورسیـیەکانی هەردوو ئەنجومەنی نوێنەران (630 کورسی) و سینات (315 کورسی) چۆن دابەش دەبن، بەڵام ئەوەی لە ئێستادا ڕوونە هیچ کام لایەک نەیتوانیوە زۆرینە بەدەستبهێنێت.

پاش یەکلابوونەوەی کورسیـیەکان، پـێویستە لایەنە براوەکان لە نێو خۆیاندا ڕێکبکەون بە شێوەیەک کە بتوانن دەنگی 316 ئەندامی ئەنجومەنی نوێنەران بەدەستبهێنن تاوەکو حکومەتەکەیان پەسەندبکرێت.

ژ.ك

بابەتی دواتر

14112017623650_152492017_121511187202222

تا سێ مانگی دیکە تورکیا گەمارۆى سەر فڕۆکەخانەی سلێمانی درێژکردەوە

توركیا بڕیارێكی نوێی له‌باره‌ی ده‌ستپێكردنه‌وه‌ی گه‌شته‌كان بۆ فڕۆکەخانەی سلێمانی ده‌ركرد و بەگوێرەی ئەو بڕیارەش، گەمارۆکانی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *