thumbs_b_c_b65b86426007e32ed2b338ce5afb31a5

سوپاى عێراق لەكەركوك ئۆپەراسيۆنى سەربازى ئەنجام دەدا

بە ئامانجی راوەدوونانی شانە نووستووەکانی داعش لە شاری کەرکووک، هێزە عێراقییەکان ئۆپەراسیۆنیکی سەربازیی فراونیان ئەنجامدا.

ئەفسەر لە پۆلیسی کەرکووک، نەقیب حامد عوبێدی لە لێدوانێکدا بۆ ئاژانسی ئانادۆڵو گوتی: “هێزێکی هاوبەش لە پۆلیسی ئیتحادی و حەشدی شەعبی ئۆپەراسیۆنێکی سەربازییان لە گوندەکانی سەر بە ناحییەی ریازی سەر بە قەزای حەویجە (٥٥ کلم باشووری رۆژئاوای کەرکووک) ئەنجامدا.

حامد عوبێدی گوتیشی: “ئۆپەراسیۆنەکە لەسەر بنەمای زانیاری هەواڵگری لەبارەی بوونی چالاکی چەکدارانی داعش و بە پاڵپشتی فڕۆکەی جەنگی ئەنجامدراوە”.

عوبێدی ئاشکرایشی کرد کە لە میانی ئۆپەراسیۆنەکەدا دەستگیراوە بەسەر ژمارەیەک پارچە چەک و بڕێک تەقەمەنی.

لەمیانی چەند هەفتەی رابردوودا شاری کەرکووک ژمارەیەک هێرشی بەخۆیەوە بینی کە زۆربەیان لە لایەن چەکدارانی سەر بە داعش بۆ سەر ئامانجە سەربازیی و مەدەنییەکان ئەنجام دران.

رۆژی ١٩ی شوباتی رابردوو، چەکدارانی رێکخراوی تیرۆریستی داعش لە بۆسەیەکدا کە کاروانێکی حەشدی شەعبی لە قەزای حەویجە کردە ئامانج، ٢٧ چەکداری حەشدی شەعبی کوژران.

ژ.ك

بابەتی دواتر

AL_NAJAF_AL_ASHRAF_INT.AIRPORT_-_panoramio

شەفەق نیوز بڵاویكردەوە، كۆمپانیای فڕۆكەوانی پادشای ئەردەنی لە بڕیارێكدا بەهۆی پەرەسەندنی خۆپیشاندانەكانی باشووری عێراق و …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *