45ghghgh

ناڕەزایەتیی مامۆستایان دەگۆڕدرێت‌و هەڵوێستی توندتر نیشان دەدرێت

باسك نێت

مامۆستایانی ناڕازی داوای روونكردنەوە لە دڵشاد عومەر بەڕێوەبەری گشتی پەروەردەی سلێمانی دەكەن لەسەر ئەو نوسراوەی كە بۆ پەروەردەی قەزاكانی ناردووە، ئەگەرنا هەڵوێستی توندیان دەبێت.

عوسمان عەبدوڵڵا ئەندامی ئەنجومەنی مامۆستایان ناڕازی بە (باسك نێت)ی راگەیاند، ئەو نوسراوەی بەڕێوەبەری گشتی پەروەردە ئاماژە بە كۆكردنەوەی هەندێك زانیاری‌و ناوی ئەو مامۆستایانە دەكات كە مانگی 2 و 3 دەوامیان كردووە‌و ئامادەبوون.

وتیشی، ئەگەر پەنا ببرێت بۆ سزای مامۆستایان، ئێمە بە گردبوونەوە ناهێڵین دەوام لەو فەرمانگانە بكرێت كە سزاكەی لێدەردەچێت، بەشێوەیەك ئەمجارە خوێندن پەك ناخەین، بەڵكو فەرمانگەكان پەك دەخەین.

سەبارەت بە ئەنجامدانی ئەو جۆرە گردبوونەوانەو هەڵوێستی مامۆستایان پێش سزای مامۆستایان، عوسمان عەبدوڵڵا رایگەیاند، دەبێت كردارێك هەبێت ئەوكات دەبێت هەڵوێستمان هەبێت، ئەوان دەڵێن تەنها زانیارییە و ئێمەش پێمان وایە ئەوە تەنها فشارێكە بۆسەر مامۆستایان، ساڵی رابردوو فۆرمی زۆر لەو بابەتەیان دابەش كردو هیچ راستییەكی تێدا نەبوو.

سەبارەت بە شكاندنی بایكۆت لەلایەن پارێزگار و مامۆستایانی ئایینی و پیاو ماقوڵانی پارێزگای هەڵەبجە، ئەندامەكەی ئەنجومەنی مامۆستایانی ناڕازی رایگەیاند، دەستخۆشی لە دڵسۆزی هەركەسێك دەكەین بۆ كەرتی پەروەردە ئەنجامی بدات، بەڵام ئەو مامۆستاو پیاو ماقوڵانە خۆزگە پێشتر چەند جارێك كۆببونایەتەوەو داوایان لە حكومەت بكردایە مافی مامۆستایانی بدایە.

وتیشی، لەراستیدا ئەوان داوایان كردووە دەستیان خۆش بێت، بەڵام خۆ بە داوای ئەوان نابێت، چونكە شكاندنی بایكۆت لای خودی مامۆستایانە نەك لای ئەوان.

بابەتی دواتر

d23c82d7fd9c940c22cd670fa9c95c4e_L

سبەى ڕێگای هەولێر- سلێمانی لە سماقوڵی دەكرێتەوە

بڕیارە لەسەرەتای ئەم هەفتەیەدا ڕێگەی سلێمانی- هەولێر بەڕووی هاتوچۆی شۆفێراندا بكرێتەوە كەلە ئێستادا بەهۆی نۆژەنكردنەوەی …

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *